سه‌رچاوه‌كان باس له‌وه‌ ده‌كه‌ن كه‌ موعه‌مه‌ر قه‌زافی سه‌رۆكی لیبیا سیناریۆی درامایه‌كی ته‌له‌ڤزیۆنییه‌ نووسیوه‌. هه‌روه‌ها سه‌رچاوه‌كان ئه‌وه‌شیان ئاشكراكرد ئه‌م زنجیره‌درامایه‌ی قه‌زافی له‌ ره‌مه‌زانی داهاتوودا پێشكه‌ش به‌ بینه‌ران ده‌كرێت. ئه‌م زنجیره‌درامایه‌ باس له‌ ناوچه‌كانی نزیك ده‌ریای سپی ناوه‌ڕاست و له‌وێوه‌ دێته‌ نێو نیشتمانی عه‌ره‌بی و دواتریش رووداوه‌كان ده‌گوازرێنه‌وه‌ بۆ ناو ئه‌وروپا. واڕیاریشه‌ ئه‌م زنجیره‌درامایه‌ له‌لایه‌ن ده‌رهێنه‌ری سووری زیاد ئه‌لریس كاری ده‌رهێنانی بۆ ئه‌نجام بدرێت و ئه‌مه‌ش یه‌كه‌مین جاره‌ كه‌ قه‌زافی كارێكی هونه‌ری له‌مجۆره‌ ئه‌نجام بدات و تائێستاش هیچ سه‌رۆكێكی وڵاتانی عه‌ره‌بی كارێكی له‌م جۆره‌ی ئه‌نجام نه‌داوه‌.