[size=16]ئه‌ی هاو خه‌م و هاو سۆزه‌که‌
ئه‌ی خاوه‌ن هه‌ستی زۆر جوان و پڕ جۆشه‌که‌
بۆ جێت هێشتم ته‌نیات کردم هه‌ر خۆم و خه‌م؟
گیانه‌ ویستم خاکێ بم پڕ له‌ ژان و خه‌م
تۆش ببیته‌ ئاسمانێ له‌ خۆشه‌ویستی و
به‌ بارانی سۆز و هه‌ستت ناخی ماندووم بشۆیته‌وه‌
گه‌ره‌کم بوو ئه‌و ده‌ریایه‌ فرمێسکه‌ بم
که‌ تۆ ببیه‌ ئاسۆی بزه‌و پێکه‌نین بۆم
ده‌مویست پایزێ پڕ له‌ خه‌م و ره‌نگ زه‌رد بم
تا دڵنه‌واییت بایێ بێ
خه‌مه‌کانم وێنه‌ی گه‌ڵا هه‌ڵوه‌رێنی
حه‌زم ده‌کرد ئه‌و زستانه‌ سارد و سڕ و بێ نازه‌ بم
که‌ تۆ بڵێسه‌ی به‌تینی تێر سۆز بیت بۆم
ئاره‌زووم کرد من هاوینێ به‌ سووتان بم
رۆحی تۆش شنه‌ بایه‌کی به‌ ئارام و فێنک بێ بۆم
به‌ڵام نه‌متوانی به‌هار بم
چونکه‌ گومانم بوو له‌وه‌ی که‌ نێرگزت بۆ من مابێ
تا بیده‌ی له‌به‌رۆکما له‌ سه‌ر دڵم
که‌ هێلانه‌ی ئه‌شک و خه‌مه
بمبوره‌ گیان
که‌ یاخه‌ و سینگ و سه‌ردڵم
جێ و هه‌ڵگری نێرگزی نازی تۆ نه‌بوو
به‌ داخه‌وه‌ تۆش که‌ نه‌تهێشت
هیچ کام له‌ حه‌ز و ئاره‌زوو و ویسته‌کانم بۆ بێته‌ دی
منت کرده‌ که‌ره‌سته‌یه‌ک بۆ حه‌زێکی زۆر شێتانه‌ 
هه‌زار مه‌خابن بۆ ئه‌وه‌ی
ئه‌و سۆز و هه‌سته‌ ناسکه‌ی که‌ تۆ هه‌تبوو بۆ دڵه‌ی من
هه‌موویت کرده‌‌ قوربانی داوا و ویستێکی ئه‌هریمه‌ن .

‌

                                                &سۆز  &
[/size]