[size=16]دوای ئەوەی سروودی (بۆ كوردستان)ی لەلایەن تەلەڤزیونیKURD1 مۆنتاژكرا و بڵاوكرایەوە، هونەرمەند زەكەریا ئێستا خەریكی كلیپكردنی یەكێك لە گۆرانییە نوێیەكانیەتی كە یەكێكە لە گۆرانییەكانی نێو ئەلبوومە تازەكەی و بەر لەجەژنی نەورۆز بڵاویدەكاتەوە.
هونەرمەند زەكەریا عەبدوڵڵا لە توركیاوە لە پەیوەندییەكدا بە(رووداو)ی راگەیاند كە ئێستا خەریكی كلیپكردنی گۆرانی (لەگەڵ تۆ)یە و گوتی "ئەو گۆرانییە كە ستایلێكی خێراو پڕ لەجۆش و خرۆشی هەیە، لە ئاواز و دابەشكردنی خۆمەو تێكستكەشی هی سامی ئەرگۆشییە".
هونەرمەند زەكەریا ئاماژەی بەوەشدا كە لەو ماوەیەدا كۆتایی بە كارەكانی كلیپەكەی دێنێ كە ستافێكی هونەری زۆر ئاست بەرز كاری تێدا دەكەن و لەو رۆژانەدا دەگاتەوە كوردستان و لە كەناڵ و شاشە كوردییەكان بڵاودەكرێتەوە.
زەكەریا گوتیشی پێش جەژنی نەورۆز بەرهەمە نوێیەكەی خۆی بڵاودەكاتەوە كە ئێستا كارەكانی تەواوبوون
كارزان حەیدەر
رووداو - هەولێر[/size]