سه‌رجه‌م هۆنراوه‌کانی لاپه‌ڕی سپی
هۆنراوه‌كان: سامی ئه‌رگۆشی
سه‌رچاوه ماڵپه‌ڕی هونه‌رمه‌ند زه‌که‌ریا
قه‌ده‌ر..
من نه‌مده‌زانى .. ئه‌وین وه‌هایه
قه‌ده‌رم هه‌مووى .. وا له عه‌شقایه
خۆشه‌ویستیی تۆ .. هێند له دڵمایه
من چاره‌نووسم .. له گه‌ڵ تۆدایه
نه‌مزانى هێنده .. دڵم شه‌یدایه
بێ تۆ هه‌ڵناكا .. هیچ له‌م دنیایه
نه‌مزانى دڵدارى .. ده‌بێته خه‌مبارى
ئاه و گریه و زارى .. ده‌شێوێ شه‌وگارى
من چیبكه‌م قه‌ده‌ره .. له توانام به‌ده‌ره
ناگۆڕێ تا سه‌ره .. جا ئیتر تۆش وه‌ره
عيشقى تۆ لێى داوم .. من بۆ تۆ ڕووخاوم
شێتى تۆم تا ماوم .. بێچاره و داماوم
هه‌رگیز نه‌مزانى .. عشقت نووسراوه
له نه‌وچه‌وانى .. من مۆر كراوه
دوعاى ناشادى .. له من خوێنراوه
له ته‌ختى قه‌ده‌ر .. بۆم هه‌ڵواسراوه
ده‌ستى جادووگه‌ر .. بۆ من براوه
تا هه‌یه شادى .. لێى دوور خراوه
ماچ
بمده‌رێ ماچێ .. له‌و لێوه جوانه
ماچێكى گه‌رمى .. زۆر عاشقانه
پێم مه‌ڵێ: نا نا .. تۆ ئه‌و چاوانه
ماچى دڵدارى .. ده‌واى دڵانه
سوێندم خواردووه .. سوێند به‌و یه‌زدانه
تا ماچت نه‌كه‌م .. ناڕۆم لێرانه
ڕووت وه‌رمه‌گێڕه .. نا توخوا گیانه
ماچ و مووچ هيواى .. خۆشه‌ویستانه
هاتووم بۆ ماچێ .. بێنه ده‌ى كوانێ
له سه‌ر په‌یمان و .. وه‌عده‌كه‌ى ژوانێ
ئه‌و لێوه بێنه .. پێم بڵێ: هانێ
یه‌كه‌م جار ماچێك .. جا لێولێوانێ
ماچێكم ده‌وێ .. ماچى دڵدارى
ماچێك له لێوى .. خونچه‌ى به‌هارى
هه‌ر ده‌بێ بێنى .. ماچێك به دیارى
لاى من بمێنێ .. كچێ بۆ یادگارى
ماچێكى لێوت .. گشت دنیا دێنێ
هه‌رچى خه‌م هه‌یه .. له دڵ ده‌ردێنێ
حه‌سره‌ت خه‌ریكه .. من ده‌سووتێنێ
بێنه ماچی كه‌م .. هه‌ر هه‌موو شوێنێ
نیگاى پڕگۆ
چیته وا لێم ده‌ڕوانى .. به نیگاى پڕ په‌نهانى؟!
دڵى عاشقم شێته و .. ناگرێ به‌رگه‌ى جوانى!
تۆ به‌و چاوه پڕ له نازه .. چیم لێ ده‌وێ بخوازه
وه‌ره ئه‌م دڵه‌ی من بۆ تۆ .. پڕ له ڕاز و نیازه
جوانێ تۆ گه‌لێ جوانى .. بۆ به عیشقم نازانى؟!
دڵ هه‌ر چاوى له ڕێته .. كه‌ى ڕێگه‌ى پێ ده‌زانى؟!
من دڵم بۆ تۆ ڕووخاوه .. هیچ ئارامى نه‌ماوه
خه‌ڵكى هه‌مووى پێ ده‌زانێ .. گیانم بۆ تۆ سووتاوه
دڵ به تاسه من چاوه‌ڕێم .. هه‌موو ده‌مه‌و ئێوارێ
له‌و چاوه جوانه‌ى .. عیشق ده‌بارێ
من ئه‌م دڵه‌م بۆى .. دێته خوارێ
ئه‌ی هاوار خودایه .. له ده‌ست ئه‌و بهڵایه
خه‌ریكه ده‌مكوژێ .. ده‌ڵێ: دێم و نایه
كه دێیت و بۆم ده‌ڕوانى .. له‌م ناوه گوڵ ده‌بارێ
گه‌ر چله‌ى زستانیش بێ .. لێم ده‌بێته گوڵزارێ
تۆ له گه‌ڵ خۆتا ده‌هێنى .. هه‌موو خه‌مڵى به‌هارێ
دڵ به تاسه من چاوه‌ڕێم .. هه‌موو ده‌مه‌و ئێوارێ
من هه‌موو شادیم .. له تۆدایه
سه‌بر و ئارامیم .. بێ تۆ نایه
دێ و دڵ ده‌له‌رزێنێ .. ڕۆحم لێ ده‌سێنێ
هه‌ر چاوێ هه‌ڵدێنێ .. هه‌موو دنیا دێنێ
له‌گه‌ڵ تۆ..
ئازیزم، باوانم چاوم هه‌ر له ڕێى تۆیه
گوڵى من، دڵى من زۆرم خۆش ده‌وێى بۆیه
پێم وایه دوور له تۆ دنیا هه‌مووى درۆیه
گیانى من تۆ كه‌ى دێى با به‌س بێ ئه‌م ڕۆڕۆیه
كه تۆ دێى شادى دێ به‌هار له گه‌ڵ خۆت دێنى
له باخى دڵى من گوڵى ئه‌وین ده‌ڕوێنى
ئازیزم پێم خۆشه له گه‌ڵ تۆ بم هه‌موو ژین
تۆ بۆ من، من بۆ تۆ، ژیان پڕ كه‌ین له ئه‌وین
بێ تۆیی ئازاره ساتێ بێ یه‌كتر نه‌بین
نامه‌وێ بۆ چیمه؟! ژینى بێ تۆ نازه‌نین!
بیناییم چه‌ند جوانى هه‌ر نازه و لێت ده‌بارێ
كه ناوم ده‌هێنى شێتم ده‌كه‌ى به جارێ!
جانام..
دلێ من تژى ئه‌ڤینه.. بۆ ته نه‌مام، ئاى لێ جانام، واى لێ خانام، جانا من
بۆ ته ب ئاخ و نالینه.. بێ ته نه‌مام، ئای لێ جانام، واى لێ خانام، جانا من
جاره‌ك وه‌ره من ببینه.. بۆ ته نه‌مام، ئای لێ جانام، وای لێ خانام، جانا من
ده‌رمانێ دلێ من بینه.. بێ ته نه‌مام، ئاخ لێ جانام، واخ لێ خانام، جانا من
ئه‌ڤین گه‌له‌ك خوه‌شه خانام .. دلێ من سه‌رخوه‌شه جانام
كه‌چێ بۆ ته مرم نه‌مام
دوورى ته پڕ ده‌رد و به‌لام
ئه‌ز ئه‌سیرێ كول و خه‌مام .. د ناڤ ئێش و ژاناده مام
بێ ته ژینا من چوو ته‌مام
ئاخ ئه‌ز چبكم ده‌لالا من .. تو شرین و هه‌ڤالا من
دێ كه‌نگێ بێیه مالا من .. تو ڕۆنى و شه‌مالا من
شرینێ هه‌ر تو یارا من .. گولێ خه‌ملا به‌هارا من
عاشق و ئه‌ڤیندارا من .. ژ كه‌چان دیارا من
ناڤ دلێ من مالا ته‌یه.. بۆ ته نه‌مام، ئاى لێ جانام، واى لێ خانام، جانا من
غه‌یرى ته كه‌س تێ تنه‌یه .. بێ ته نه‌مام، ئای لێ جانام، وای لێ خانام، جانا من
گه‌ر تو نه‌بى من كى هه‌یه.. بێی ته نه‌مام، ئاخ لێ جانام، واخ لێ خانام، جانا من
وه‌ره ئه‌ڤین ل هیڤیيا مه‌یه.. بێ ته نه‌مام، ئاخ لێ جانام، واخ لێ خانام، جانا من
بێ دل هشتم..
دلبه‌ر دخوازه ڤى جانێ من بستینه
دلێ من دبه و قه‌د ژ بۆ وێ خه‌م نینه
من دهێله ناخوازه قه‌د من ببینه
خوه‌دێ سه‌د هاوار گرانه ئه‌ڤ برینه
من ژێ حه‌ز كر و جاره‌ك نه‌هاته ڕایێ
من قه‌د ژێ نه‌دى ژ غه‌یرى ده‌رد و تایێ
جارنا من دخاپینه دبێ: تێم، نایێ
عه‌مرێم وه‌ها چوو پێڕه كه‌تم به‌لایێ
ئه‌مان ئه‌مان يار ئه‌مان ئه‌مان
تو چووی ئه‌ز مام بۆ كول و خه‌مان
چ خوه‌ست من دایێ من جاره‌ك نه‌گۆت: نا نا
سه‌ردارا دل وه‌كى میرا، وه‌كى خانا
ل به‌ندێ مام و خاپاندم وه‌ك نه‌زانا
عه‌مرێ من هه‌موو بر مام بۆ ده‌رد و ژانا
هه‌ڤالنۆ ده‌ستێم بگرن برین گرانه
ما كى وه‌ك من ده‌ردێ ئه‌ڤینێ دزانه
دلبه‌رام چوو ما بۆ چیه ئه‌ڤ ژیانه
كى وه‌كى من دل مه‌لوول و بێ خودانه
له مه‌یخانه..
ساقییا باده‌م بۆ تێكه .. كه ڕۆحم غه‌رقى خه‌مێكه
كه ده‌مبینى داگیرساوم .. دڵ سووتاوى چاوجوانێكه
ئیمشه‌و سه‌برم ته‌نیا پێكه .. دنیا هه‌مووى شه‌رابێكه
ساتێ نه‌كه‌ى له بیرم كه‌ى .. توخوا هه‌ر مه‌ى بێنه و تێكه
پێكێ بۆ ئه‌و چاوه جوانه .. كه چیرۆكى عه‌شقێكه
تێكه دڵم پڕ له ژانه .. كه هه‌ر نیگاى ده‌ردێكه
جێم بۆ ڕاخه‌ن له مه‌یخانه .. كه دڵ شاهى سه‌رخۆشانه
وه‌رن ده‌ورى مێزم بگرن .. ئیمشه‌و كۆڕى دڵدارانه
ساقى بێنه ئه‌و پێكانه .. هه‌ڵیانده‌م بۆ ئه‌و چاوانه
بێنه خه‌مم به مه‌ى بشۆم .. كه مه‌ى ده‌رمانى دڵانه
به خه‌یاڵى ئه‌و چاوانه .. كه دڵم شه‌یدایانه
هى ئه‌و نازداره‌ى كوردستان .. كه بۆ من هه‌موو ژیانه
چاوه‌ڕێتم..
چاوه‌ڕێتم نازه‌نین من ڕۆژ و شه‌وانه
دڵ سووتاوى ماچێكى گه‌رمى ئه‌و لێوانه
بێنه بۆنكه‌م له سینه‌ت ئه‌و جووته سێوانه
دڵى شه‌یدام عاشقه بۆ تۆ چاوه‌ڕوانه
وه‌ره جوانێ من دنیام له گه‌ڵ تۆدا جوانه
ده‌ستم بگره و ڕاماڵه هه‌رچى ده‌رد و ژانه
تۆ ته‌نیا ئاواتمى .. من بێ تۆ ژینم ناوێ
ئاخر تۆ خۆت ده‌زانى .. دڵم كه‌وتۆته داوێ
لێم گه‌ڕێ تێر بم له تۆ .. دڵ بكا ئۆخه‌ى تاوێ
توخواكه‌ى به‌زه‌ییت بێ .. به ئيشقى دڵسووتاوێ
ئه‌م دڵه شێته بگره و .. له ده‌ریاى ئیشقت باوێ
دڵى شه‌یدام عاشقى چاوى جوانى تۆیه
ئاخر گوڵێ عاشقبوون بێ بۆنه و بێ هۆیه
له دنیادا عه‌شق نه‌بێ هه‌موو شتێ درۆیه
بێ دڵدارى ئه‌م ژینه هه‌ر گریه و ڕۆڕۆیه
وه‌ره جوانێ من دنیام له گه‌ڵ تۆدا جوانه
ده‌ستم بگره و ڕاماڵه هه‌رچى ده‌رد و ژانه
بۆ ئه‌سیرى عیشقى خۆت .. ماچێ بێنه به دیارى
ماچى لێوى شیرینى .. وه‌كوو خونچه‌ى به‌هارى
وه‌ره ماڵم ئاواكه .. له ئه‌وین و دڵدارى
ژینم پڕكه له شادى .. له‌وپه‌ڕى به‌ختیارى
وه‌ره كه‌س وه‌ك تۆ نیه .. تۆ جوانترین یارى
ته‌نیایی..
كه‌س به هاناى دڵم نایه .. هه‌ستى ته‌نیایی ده‌مخوا
دوور له تۆ دنیام خامۆش بوو .. تۆ كه‌ى دێیته‌وه توخوا
ته‌مه‌ن له دووریت به سه‌ر چوو .. كوا گه‌ڕانه‌وه‌ت ئه‌ى كوا؟
ساڵه‌هایه چاوه‌ڕێتم .. گوڵى ئومێدم نه‌ڕوا
ژیان بێ تۆ بهڵایه .. ده‌ردێكه بێ ده‌وايه
خه‌مى دووریت ئه‌زیزم .. ده‌ريايه له بن نايه
دڵى بێ تۆم ته‌نیایه .. بێ په‌نا و بێ هانایه
شه‌وى بێ تۆیی گیانه .. تاریك و بێ چرایه
ئه‌سیرى دوو چاوى خومارم شێتانه
بێ چاره‌ى ته‌نیاییم غه‌ریبم لێرانه
هه‌تا دێى دڵى من گیرۆده‌ى گریانه
ده‌سا تۆش چاره‌ی كه ئه‌م ده‌رده گرانه
وه‌ره خه‌نده‌م بۆ بێنه .. تۆ ته‌نیاییم بشكێنه
له باخى دڵى شه‌یدام .. گوڵى ئه‌وین بڕوێنه
هه‌ر چیم هه‌بێ بێ تۆ ته‌نیام .. ڕۆحیشم بێ نه‌وایه
هه‌موو دنیا له ده‌ورم بێ .. هه‌ر وه‌ك بیابان وایه
هه‌ستى ته‌نیایی ده‌مكوژێ و .. ئۆقره‌م هه‌ر له تۆدایه
تا كه‌ى من هه‌ر چاوه‌ڕێ بم .. ده‌سا ڕه‌حمێك خودایه
بیرت ده‌كه‌م من گیانه .. ته‌نیایی ده‌رد و ژانه
گوێ بگره له ترپه‌ى دڵ .. بۆ تۆیه ئه‌م لێدانه
زامى ئه‌م دابڕانه .. دنيای كردمه وێرانه
ده‌با به‌س بێ ته‌نیایی .. ژیان به تۆوه جوانه
ڕۆژانی خۆشه‌ويستی..
ئاخ بۆ ڕۆژانێ به سه‌ر چوون
پڕ له شادی و به‌ختياری
له دڵداری..
ئاخ بۆ ڕۆژانێ به سه‌ر چوون
دوور له ئازار و خه‌مباری
له بێ دۆستی، له بێ ياری..
ژيانی بێ ئه‌وين ژانه
ژينی بێ عه‌شق كوا ژيانه؟!
ئاخ بۆ ڕۆژانێ به سه‌ر چوون
پڕ له ئه‌وين بوون شه‌وگاری
يار به ناز و له‌نجه‌ی
كۆڵێ عه‌شقی لێ ده‌باری..
ئاخ بۆ ڕۆژانێ به سه‌ر چوون
پڕ له خونچه‌ی نه‌وبه‌هاری
عاشق ده‌بووم به ناچاری..
ئاخ بۆ ڕۆژانێ به سه‌ر چوون
پڕ له خونچه‌ی نه‌وبه‌هاری
له سيحری چاوی خوماری
عاشق ده‌بووم به ناچاری..
كه‌ی دێيه‌وه خۆشه‌ويستی
چاوه‌ڕێتم .. بێ تۆ دێوانه‌م
بێيته‌وه..
چاوه‌ڕێتم وه‌ره گیانه
به‌خته‌وه‌ر كه ئه‌م ژیانه
ژیان جوانه له تۆدایه به تۆ جوانه
وه‌ره بێنه خه‌نده‌ى عاشقانه
وه‌ك گوڵانه
ئه‌و نیگا پڕ نازانه
وه‌ره دڵ هه‌ر چاوه‌ڕوانه
وه‌كوو جاران شه‌وانه
به هیواته له ژوانه
وه‌ره ببینه ده‌ردم بزانه
دڵ بێ تۆ بێ لانه
سه‌یرى حاڵم كه چه‌ند په‌رێشانه
پاییزه خه‌زانه
ئیتر باس بێ ئه‌م ژانه گرانه
وه‌ره هه‌ر عیشق ڕێگه‌ى دڵانه
كێ هێنده‌ى تۆ شادى دێنێ؟
هه‌ست و سۆزم ده‌بزوێنێ؟
دڵئارامیم ده‌ڕفێنێ، ده‌تۆرێنێ؟
كێ وه‌كوو تۆ ئه‌وین ده‌بارێنێ؟
عیشق دێنێ
ئاوازى دڵ ده‌خوێنێ
شادم ده‌كا، ده‌مگریێنێ
له دڵدا هه‌ر ده‌مێنێ
ده‌مكوژێت و ده‌مژێنێ؟!
ئه‌وين وا نيه..
وام ده‌زانى ئیشقى تۆ نابڕێته‌وه تا هه‌تایه
وه‌كوو ئیشقى من ئازیز هه‌میشه‌یی و بێ كۆتایه
ئازیز ئاخر ئه‌وین كه‌ى وایه؟!
ئیشق لاى تۆ وا بێ به‌هایه
هه‌روا بێ هۆ ئازیز جێم ده‌هێڵى بۆ؟
دواى تۆ كێم هه‌یه كچێ له‌م دنیایه؟!
بێ وه‌فایی وا كچێ چۆن ڕه‌وایه؟!
وه‌فا لاى تۆ چۆن وا بێ مانایه؟!
له دنیا ته‌نیا تۆم خۆش ده‌ویستى
ئه‌م دڵه‌م بێ تۆ سه‌بوورى نایه
ئازیز بۆچى دڵ ده‌سووتێنى؟!
هه‌زار ده‌رد و خه‌م له دڵ ده‌چێنى
جێم دێڵى ده‌ڕۆى ئاخر بۆچى بۆ؟!
هه‌رچى هیوایه لێم ده‌خنكێنى!
چانسێكی تر..
من هێشتا تۆم خۆش ده‌وێ .. ده‌زانم تۆش وای جوانێ
دڵی تۆش هه‌ر ناتوانێ .. جوانێ
تۆش قه‌د بێ من هه‌ڵناكه‌ی .. كه‌وتينه ده‌رد و ژانێ
كوا ميهره‌بانيت ئه‌ی كوانێ .. جوانێ؟!
من نه‌مزانی تۆ بۆ من .. هێنده دڵت سووتاوه
نه‌مزانی بۆ عيشقی تۆ .. منيش وا ڕۆحم نه‌ماوه
به‌سه واز بێنه ده واز بێنه .. ژين بۆ ئێمه به عه‌شق و ئه‌وين جوانه
نه‌مزانی دڵداری وايه .. ئاخ گيانه
من نه‌مزانی دڵی من .. گيانه هێنده شه‌يدايه
نه‌مزانی تۆش بێ ئارامی .. به بێ من سه‌بووريت نايه
بۆ كوردستان..
ئه‌م خاكه جوانه .. بۆ من ژیانه
ڕۆح و گیانم به فیداى كوردستانه
چاوى هه‌مووانه .. هیواى دڵانه
چه‌ند شيرينه بووكى جوانى جیهانه
لانه‌ى ئه‌وینم .. سه‌رچاوه‌ى ژینم
كوردستان هه‌ر تۆى .. چاره‌ى برینم
تۆ شادى و ئازادى و مایه‌ى سه‌رفرازیم
من بۆ تۆ به ڕۆحم هه‌ر ئاماده و ڕازیم
ئه‌ى كوردستانم .. هه‌ناسه‌م، گیانم
من تۆم نه‌بێ ئاواره و په‌رێشانم
نوورى چاوانم .. دایكم، باوانم
ڕۆژێ دوور له تۆ هه‌ڵناكه‌م، ناتوانم
تۆ گوڕ و تینم .. خه‌ونى شیرینم
كوێراییم دادێ .. دوور بم نه‌تبینم