به‌ پێى هه‌واڵێكى رۆژنامه‌ى ته‌لگراف ، توێژه‌ران بۆیان ده‌ركه‌وتووه‌، كه‌ رۆژانه‌ 20 خوڵه‌ك كات به‌ سه‌ر بردن له‌ ناو پارك و ژینگه‌ى سه‌وز بۆ به‌رزكردنه‌وه‌ى ئاستى وزه‌ى له‌ش و شادى و ئارامى ده‌روونى سوودمه‌نده‌ .

زانایانى ئه‌مه‌ریكى  دواى چه‌ند توێژینه‌وه‌یه‌ك له‌ سه‌ر قوتابیانیانى كۆڵیژ‌ێك ،بۆیان ده‌ركه‌وت كه‌ مانه‌وه‌ى له‌ ناو سروشت و ژینگه‌ى له‌بار ده‌بێته‌ هۆى به‌رزبوونه‌وه‌ى ئاستى سه‌ڵامه‌تى و هه‌تا ده‌توانرێت بگوترێ هاوشێوه‌ى وه‌رزشكردنه‌ .

به‌ ووته‌ى ریچارد ریان ، مامۆستا له‌ به‌شى ده‌رووناسى زانكۆى روجستر له‌ شارى نیویورك ، سروشت وه‌كو وزه‌یه‌كه‌ بۆ روحى مرۆڤ.

له‌ لایه‌كى تریشه‌وه‌ به‌ گوێره‌ى توێژینه‌وه‌یه‌كى زانستى ، زانایانى زانكۆى كالیفۆرنیا ده‌لێن" خواردنى میوه‌ و سه‌وزه‌ له‌گه‌ل وه‌رزشكردن به‌ رێژه‌ى 50 % تووشبووانى شێر په‌نجه‌ى سینگ چاره‌سه‌ر ده‌كات و له‌مه‌ترسى مردن دووریان ده‌خاته‌وه‌ .

kurdistantv.net   سةرجاوة