[size=24][right]بە پڕوپاگەندەیەكی گەرم و سەرنجڕاكێشەوە هات و كاتەكانی نمایشكردنی خۆیی لای بینەرانی تۆماركرد،كەچی نامەكانی ئەشرەف بەلای هەندێك لەبینەرانەوە ئەو درامایە نەبوو، كە ئەوان چاوەڕوانیان كردووەو یاریدەدەری دەرهێنەری دراماكەش دەڵێ، فیلمی دۆبلاژكراوی بیانی و ئەو ئیمكانیاتە كەمەی لەبەردەستماندابوو، وایكرد نەتوانین ئەو كارە بكەین كە خەڵك 100% بەدڵی بێت.
تا ئەوكاتەی فیلمە دۆبڵاژكراوە بیانییەكان لەنێو شاشەی تەلەڤزیۆنە كوردییەكاندا هەبن، ئارام كەریم بەدیار نامەكانی ئەشرەف و هیچ درامایەكی كوردییەوە دانانیشێت، جگە لە بەهێزی دراما دۆبلاژ كراوەكان، ئارام پێیوایە كاتی پەخشكردنی دراما كوردییەكان زۆر درەنگە "راستە لەنامەكانی ئەشرەفدا ئەكتەری بە تواناشی تێدایە، بەڵام تاوەكو دراما بیانییە دۆبلاژەكراوەكان هەبن بەلای درامای كوردیدا ناچم".
هەندێ لە بینەرانی (نامەكانی ئەشرەف) لەو بڕوایەدان دراماكە بەوشێوەیە بەهێز نییە، كە ئەوان لەرێكلامەكانی سەرەتاوە بینیوویانە، هاوكات رەخنەش لەكاتی پەخشكردنی دەگرن. بەڵام هەندێكیان پێیانوایە درامایەكی زۆر جوانە. دیدار كەریم، خوێندكاری زانكۆیەو دەڵێ "ئەو دەنگدانەوە گەورەیەی نەبوو كە لەسەرەتاوە چاوەڕوان دەكرا، خەڵك لە كاتی رێكلامەكەی گەورەتر سەیری ئەم درامایەی دەكرد لەڕووی پەیام و ئامانجەوە، بەڵام وانەبوو". ئەو خوێندكارەی زانكۆی سلێمانی دەڵێ، رەنگە من ئاسایی بێت بەلامەوە تا درەنگانێكی شەو دابنیشم سەیری بكەم "بەڵام بینەری ئاسایی تادرەنگانێكی شەو بۆ درامایەكی ئاوا دانانیشێت".
ماهیر حەسەن، یەكێك لە ئەكتەرە سەرەكییەكانی دراماكە نایشارێتەوە خەڵك لەبەر چەند هۆیەك ئەو تامەزرۆییەی سەرەتای نەماوە بۆ دراماكەیان " ئیشەكە زۆر زۆر دواكەوت و رێكلامی زۆری بۆكراو ماوەی پێشاندانەكەی درەنگەو دووبارەبوونەوەی پەخش، پچڕانی لای بینەر دروستكردووە".
مــــاهیر حــــەسەن،  سەبارەت بە پـــــەیامی رۆڵـــەكەی دەڵێ "ئێمە دەمانەوێ بەخەڵك بڵێین تكایە لە ئەشرەف دووربكەونەوەو خۆتانی لێبپارێزن، چونكە ئەشرەف و هاوشێوەكانی دەیانەوێ لەسەر ماف و ماندووبوونی ئێوە بگەنە دەسەڵات و بەرژەوەندییەكانی خۆیان".
بەبڕوای بەیان زەریفی، كە یەكێكی دیكەیە لەئەكتەرەكانی ئەو زنجیرە درامایە، هێشتا زووە بۆ بڕیاردان لەسەر بەهێزی و لاوازی نامەكانی ئەشرەف و دەڵێ پێویستە تەواو ببێت ئەوكات بڕیاربدرێ "چاوەڕوانی زۆر هەبوو بۆ دراماكە، بەڵام دواكەوتنەكەی وایكرد بینەر لێی بكشێتەوە".
نەوزادی پۆستەچی پێیوایە نابێت خوێنەر هێڵی راست و چەپ بەسەر ئەو كارانەدا بێنن كە تێبینیان لەسەر هەیە. ئەحمەد جۆڵا، كە لەنامەكانی ئەشرەفدا بووەتە نەوزادی پۆستەچی، دركی بەوە كردووە كەموكورتی لەكارەكەدا هەیەو هاوكات دەڵێ "ئەوەی بەلای منەوە زۆر ناخۆشە، دووبارەكردنەوەی ئەڵقەكەیە لەشەوی دواتردا".
زنجیرە درامای نامەكانی ئەشرەف، كە كاركردنە لەسەر مێژوویەكی دوور و شێوازێك لەئامۆژگاریكردنی لەخۆ گرتووە، دوای ریكلامێكی زۆر لە27ی ئادار یەكەمین ئەڵقەی لەكەناڵی كوردستانەوە نیشاندراو لە 26 ئەڵقە پێكهاتووەو بڕی 40 هەزار دۆلاری تێدا خەرجكراوە.
بەكر مستەفا، یاریدەدەری دەرهێنەری زنجیرە دراماكە یەكێك لەگرفتەكانی نامەكانی ئەشرەف بۆ كەمی توانا داراییەكان دەگێڕێتەوەو هاوكات پێیوایە كاریگەری فیلم و زنجیرە درامای دۆبلاژكراوی بیانی بەسەر بینەری كوردەوە، وایكردووە وەك پێویست پێشوازی لەزنجیرە دراما كوردییەكان نەكرێت.
بەكر مستەفا دەڵێ، لەبەرئەوە نەیتوانی دەنگدانەوەی چاوەڕوانكراوی هەبێت " ئێمە باس لە دوێنێ و ئەمڕۆ و سبەی دەكەین، دیسان كاتی پەخشكردن كاریگەری هەبوو، ئەگەر لە كاتێكی زووتر پەخشبكرایە، پێموایە باشتر دەبوو، بە بۆچوونی خۆم رەنگە كارمەندانی حیزبی و حكومی ئەو كاتەیان پێ باش بووبێ بۆ پەخش".
بەكر مستەفا ئاشكرایكرد كاتێك زنجیرە دراماكە تەواو بووە، بردوویانەتە زۆر تەلەڤزیۆن، بەڵام لێیان وەرنەگرتوون "یەكەمجار بردمانە لای كەناڵی كوردسات و لێیان وەرنەگرتین، بەڵام دواتر كە بینیان پەشیمان بوونەوە

سه رجاوة--sapol.net[/right][/size]