[size=24]ئه‌م ئێواره‌یه‌ له‌ درێژه‌ی یاریه‌کانی قۆناغی ١٦ی جامی جیهانیدا گشت کیشوه‌ری ئاسیا جاوه‌ڕوانی هیمه‌تی هه‌ڵبژارده‌ی سامۆرای ده‌کرد بۆ ئه‌وه‌ی وه‌کو تاکه‌ هه‌ڵبژارده‌ی ئه‌و کیشوه‌ره‌ سه‌ربکه‌وێت به‌سه‌ر هه‌ڵبژارده‌ی پاراگوای و بگاته‌ قۆناغی داهاتوو . یاریه‌که‌ له‌ ئاستێکی جێگیردابوو به‌ دریژایی هه‌ردوو نیوه‌ی یاریه‌که‌ و سه‌ره‌ڕای چه‌ندین هێرشی مه‌ترسیدار هیچ کامێکیان سه‌رکه‌وتوونه‌بوون له‌ هه‌ژاندنی گۆڵی ئه‌و تریان و کاتی یاسایی به‌ بێ گۆڵ کۆتایی هات .  هه‌ربۆیه‌ بۆ دووه‌مجار له‌م پاڵه‌وانێتیه‌دا دوای یاری نێوان غانا و ئه‌مریکا په‌نابردرایه‌ به‌ر کاتی زیادکراو  ، له‌ ٣٠ خوله‌کی زیادکراویش یاریه‌که‌ هه‌ر به‌ هه‌مان ئاست و ئه‌نجام مایه‌وه‌ و بۆ یه‌که‌مجار له‌م پاڵه‌وانێتیه‌ په‌نا بردرایه‌ به‌ر لێدانه‌کانی سزای یه‌کلاکه‌ره‌وه‌ و هه‌ڵبژارده‌ی پاراگوای به‌ ئه‌نجامی ٥-٤  لێدانه‌کانی برده‌وه‌ کاتێک به‌رگریکاری ژاپۆن  کۆمانۆ له‌ سێیه‌م لێداندا تۆپه‌که‌ی دا به‌ ستووندا و وڵاته‌که‌ی بێ به‌شکرد له‌ خه‌ونی گه‌یشتن به‌ قۆناغی داهاتوو.[/size]

یاریگا