هەردوو ڕاپبێژ CJ و DJ خەریكی بەرهەم هێنانی ئەلبومێكی R&B ی هاوبەشن كە لە 9 تڕاك پێكهاتووەو ناوی ئەلبوومەكەش Happy Birth Day ـەیە، لە سەرەتای مانگی 7 دێتە بڵاوكردنەوە.

لەم بارەیەوە ئەژی ناسراو بە CJ گوتی ” ئەلبوومەكەمان ناوی Happy Birth Day و ستایلی R&B ـیە، لە 9 تڕاك پێكهاتووەو تێكست و میلۆدیەكانی خۆمان ئامادەمان كردووە، زۆری تڕاكەكان باس لە خۆشەویستی دەكەن”.

زیاتر گوتی “لەبەر ئەوەی ئەمە یەكەم ئەلبوممان دەبێت، بۆیە بەبۆنەی لەدایكبوونی یەكەم ئەلبوممان ناومان ناوە Happy Birth Day و گۆرانییەكیش لە ئەلبوومەكە بەم ناوە هەیە، جگە لەوەش تا ئێستا گۆرانییەكی ستاندار بۆ كورد بۆ ڕۆژی لەدایكبوون دانەنراوە جگە لەو گۆرانییەی كە دەشنێ و میرا گوتیانە”.

لەبارەی موزیكەكانەوە گوتی” زۆری موزیكەكان لە كوردستان ئامادەكراون، لە هەندێ تڕاكیش ئامێری موزیك لە دەرەوەی وڵات هاتووەو لێرە لە نێو تڕاكەكانمان ژەنیویانە، ئێستاش ئەلبوومەكەمان لە قۆناغی چاپكردنایەو لە وڵاتی توركیا چاپدەكرێت، لە مانگی 7 ـی ئەمساڵدا بڵاودەكرێتەوە”

“ئەلبوومەكەمان شێوازی R&B ـیە نەك ڕاپ، R&B ستایلێكە كە ڕاپ و گۆرانی تێكەڵە واتە نەك تەنیا ڕاپ بۆیە دەمەوێ لێرەوە  پەیام بگەیەنمە خەڵكی كە ئێمە تەنیا ڕاپ ناكەین بەڵكو گۆرانی R&B دەڵێێن ” CJ  وای گوت.

زیاتر گوتی “وەك ڕاپپەرەكانی تر ئاوازەكانمان لە گۆرانیبێژە بیانییەكان وەرنەگرتووە، خۆمان ئامادەمان كردووەو تێكستەكانیش چەند شاعیرێكی بەناوبانگ پێی داچونەتەوە”.

(کوردمیلۆدی)

تێبینی: لە هەفتەنامای باس بڵاوکراوەتەوە

سةرجاوة:bakrajoo