بازرگانێكى ئیسپانى داوایه‌كى پێشكه‌ش كرد بۆ كڕینى ئه‌خته‌بوته به‌ناوبانگه‌كه، كه له یارییه‌كانى جامى جیهانى 2010، دا ناوبانگێكى زۆرى بۆخۆى په‌یدا كرد.
ئه‌و بازرگانه ئیسپانییه، بڕى 30 هه‌زار دۆلارى ته‌رخانكردووه بۆ كڕینى ئه‌خته‌بوته‌كه، بۆ ئه‌وه‌ى به‌شدارى پێبكات له ڤیستیڤاڵێكى ساڵانى گیانداران له ئیسپانیا.
هاوكات، داواى ئه‌وه‌ش كراوه ئه‌گه‌ر فرۆشتنى ئه‌خته‌بوته‌كه ره‌تكرایه‌وه، به‌خواستن بهێندرێت بۆ ئیسپانیا تا كۆتایى ئه‌و ڤیستیڤاڵه.
ئه‌خته‌بوته‌كه، كه به "بول" ناسراوه، له یارییه‌كانى جامى جیهانى ئه‌مساڵدا، پێشبینى هه‌موو یارییه‌كانى به‌ڕاستى كردووه، هه‌روه‌ها پێشبینى یارى كۆتایى ئه‌و جامه‌شى كردووه كه له به‌رژه‌وه‌ندى ئیسپانیا كۆتایى دێت.
kurdsat