[size=16]رِۆژانه‌ سێ هــه‌زار كه‌س خــۆیان ده‌كــوژن[/size]

[size=16]رِێكخراوى ته‌ندروستى جیهانى له‌میانه‌ى بڵاوكردنه‌وه‌ى رِاپۆرتێك ئاشكراى كردووه‌ كه‌ ئێستا رِۆژانه‌ له‌سه‌ر ئاستى جیهان لایه‌نى كه‌م 3 هه‌زار كه‌س خۆیان ده‌كوژن و بۆ ئه‌و مه‌به‌سته‌ش داواى له‌ ده‌زگاكانى راگه‌یاندن كردوه‌ هه‌وڵێك بده‌ن بۆ كه‌مكردنه‌وه‌ى ئه‌و رِێژه‌یه‌ى خۆكوشتن. رِێكخراوى ناوبراو ده‌ڵێت: به‌هۆى ئه‌وه‌ى دیارده‌ى خۆكوشتن له‌جیهان زۆر په‌ره‌ى سه‌ندووه‌ بۆیه‌ رِێكخراوه‌كه‌یان برِیارى داوه‌ ده‌ستنیشانى به‌روارى (10 ى ئه‌یلول) بكات وه‌ك رِۆژى به‌ره‌نگاربوونه‌وه‌ى خۆكوشتن، ئه‌مه‌ش بۆ ئه‌وه‌ى كه‌ ئه‌و دیارده‌یه‌ رِێگرى لێبكرێت و ته‌شه‌نه‌ نه‌سه‌نێت. له‌به‌شێكى ترى راپۆرته‌كه‌یدا رِێكخراوى ته‌ندروستى جیهانى باسى له‌وه‌كردووه‌، كه‌ ئه‌وان هه‌وڵ ده‌ده‌ن به‌هاریكارى له‌گه‌ڵ كۆمه‌ڵه‌ى نێوده‌وڵه‌تى بۆ رِێگرى كردن له‌خۆكوشتن چاره‌سه‌رى ئه‌و مه‌سه‌له‌یه‌ بكه‌ن. جێگه‌ى باس كردنه‌ ئێستا له‌سه‌رتاسه‌رى ووڵاتانى جیهان ساڵانه‌ نزیكه‌ى یه‌ك ملیۆن كه‌س خۆیان ده‌كوژن و له‌ماوه‌ى نزیكه‌ى نیو سه‌ده‌ى رابردووشدا رِێژه‌ى خۆكوشتن له‌جیهان به‌رِێژه‌ى (60%) زیاد بووه‌و زۆرینه‌ى ئه‌وانه‌شى خۆیان ده‌كوژن ته‌مه‌نیان له‌نێوان (15 - 44) ساڵیدایه‌. له‌باره‌ى هۆكاره‌كانى زۆرى خۆكوشتن ئه‌و سه‌رچاوه‌یه‌ باسى له‌وه‌كردووه‌ كه‌ره‌شبینى و خواردنه‌وه‌ى ماده‌ هۆشبه‌ره‌كان هۆكارى سه‌ره‌كییه‌كانى خۆكوشتنى مرۆڤن و رِێژه‌ى خۆكوشتنیش له‌هه‌ردوو كیشوه‌رى ئه‌مریكاو ئه‌وروپا ئه‌و دوو هۆكاره‌ن، به‌ڵام له‌كیشوه‌رى ئاسیا به‌هۆى نه‌خۆشى ده‌روونى و كێشه‌ كۆمه‌ڵایه‌تییه‌كانه‌وه‌یه.

به‌كره‌جۆ[/size]