سڤیل چەند نامەیەكـــــی سێكسی نێوان هونەرمەندانی كورد ئاشكرا دەكات      

سڤیل: زانا دڵشاد دزەیی

«بۆ وەڵامی تەلەفۆن نادەیتەوە، دەزانی وەڵام نەدانەوە عەیبە، تۆ هونەرمەندی، پێم خۆشە ئەمشەو سێكس بكەین، وەڵام بدەوە». ئەوە نامەی كوڕە مۆسیقاژەنێكی كوردە، كە بۆ ئافرەتە گۆرانیبێژێكی كوردی هاوڕێی خۆی ناردووە، ئەو ئافرەتە گۆرانیبێژە ئاوا وەڵامی نامەكە دەداتەوە «چۆنی گیانە، ببورە دەزانی ئەمشەو ناتوانم بتبینم، ئێستا لە ستۆدیۆم تا شەو درەنگ، بای».
ئەو حیوار و گۆڕینەوەی نامە سێكسیانە تەنیا لەنێوان ئەو دوو هونەرمەندەدا نییە، بەڵكو لەنێوان هەندێ لە گۆرانیبێژان و شانۆكاران و هونەركارەكانی كوردا بوونی هەیە، بەڵام بەشێوازێكی زۆر نهێنی و حەساسەوە ئەو پەیوەندی و كردارە سێكسیانە ئەنجام دەدەن، هەروەك لەنامەی ئافرەتە هونەرمەندێكی دیكەوە، ئەو ترس و دڵەڕاوكێیە بەئاشكرا دەركەوتووە، كە ئاڕاستەی كوڕە گۆرانیبێژێكی هاوپیشەی خۆی كردووە و تیایدا هاتووە، «سێكسكردن هەر لەگەڵ تۆدا خۆشە، تۆ ئارام بەخشی منی، ئەگەر بزانم نهێنیپارێزی، هەر لەگەڵ تۆدا سێكس دەكەم». وەڵامی ئەو نامەیەش تەنیا «ئۆكەی» بوو.
یەكێك لە كوڕە گۆرانیبێژێكی تازە، كە خاوەنی ئەلبومێكی گۆرانییە و شارەزایانی هونەریش زۆرترین رەخنەیان ئاراستە هونەر و دەنگی ئەو كردووە، بەڵام ئەو بەبێ گوێدانە ئەو رەخنانە خەریكی بەرهەمهێنانی ئەلبومی دووەمە، ئەو گۆرانیبێژەیە لای هاوڕێیەكی خۆی باسی پاڵەوانی و توانای سێكسكردنی خۆی دەكات، ئەو گۆرانیبێژە گەنجە لەبەشێكی قسەكانی خۆیدا ئاماژە بە ناوی گۆرانیبێژە ئافرەتێكی كورد دەكات، كە ناوەكەی لای سڤیل پارێزراوە و دەڵێت «ئەو ژنە گۆرانیبێژە زۆر موعجیب بە من ببوو، لە شوێنێكدا كە تەنیا خۆم و خۆی بوو، پێی گوتم وەرە پشتم بشێلە، دوای ئەوە هەستم كرد لەگەڵ شێلانەكە زەوقی سێكسی هەڵساوە، بەبێ یەك و دوو پێی گوتم، زۆر حەز دەكەم بتخەمە ناو قاوە، پاشان بتلێسمەوە، منیش پێكەنیم و سێكسم لەگەڵ كرد».
بەڵام بە رێژەیەكی زۆر دوای ئەو كردارە سێكسیانە، شەڕ لە نێوان ئەو كچ و كوڕە هونەرمەندانە دروست دەبێ و ناخۆشی و دووركەوتنەوە دەكەوێتـە نێوانیان، بە تایبەت لەو كاتەی ئافرەتە هونەرمەندەكان بۆیان ئاشكرا دەبێ، كە ئەو هونەرمەندەی سێكسی لەگەڵ كردووە، لە شوێنی تردا باسی كردووە، لە نمونەی ئەوەدا كچە هونەرمەندێكی كوردی بەشێكی تری كوردستان، كە ماوەیەك لە باشوری كوردستان ماوەتەوە، تەلەفۆن بۆ كوڕە گۆرانیبێژێكی قۆزی شاری هەولێر دەكات و ناوی ئەو دوو هونەرمەندەش لای (سڤیل) پارێزراوە، ئەو كچە وا دەڵێ «من و تۆ هەرچییەكمان كردووە لە دەمی هونەرمەندەكانی تردا دەبیسترێ، هیچ شتێكی نهێنی نەماوە، ئەوە تۆ چیت كردووە و ئەو هەموو خەڵكە چۆن بەو پەیوەندییەی من و تۆیان زانیووە، واتكرد من سووك بم، بەڵام بەڵێن بێت لە خۆم سووكترت دەكەم»، بەڵام ئێستا ماوەی ساڵێك و نیوە ئەو دوو هونەرمەندە دژی یەك كار دەكەن و هەوڵی سووككردنی بەرهەمی یەكتر دەدەن، لای هاوپیشەكانی خۆشیانەوە جنێو بەیەكتر دەدەن. لە بەشێكی زۆری ئەو نامە و زانیاریانەی لای (سڤیل)هەیە، ئەو كوڕە قۆزە، كە خاوەنی سێ ئەلبومی گۆرانییە، بە بەراورد لەگەڵ كوڕە هونەرمەندەكانی دی زۆرترین سێكسی لەگەڵ هونەرمەندانی ئافرەت ئەنجام داوە.
ئافرەتە هونەرمەندێكی دی بۆ كوڕە شانۆكارێك دەنووسێ، «ئیتر من كەسایەتی تۆم بۆ دەركەوت، قەد پەیوەندیم لەگەڵ نەگری، ئێستا زانیم تۆ منت تەنها بۆ سێكسكردن دەوێ»، ئەو نامەیە وەڵامی نییە، ئەو هونەرمەندە نامەیەكی تر دەنووسێ و دەڵێ «بەو وەڵام نەدانەوەت بۆم دەركەوت لای خەڵك باسی منت كردووە، خۆشت ئەوە باش دەزانی، بۆ وەڵام نادەیتەوە، ئەگەر پیاوی و ناوت لە خۆت ناوە هونەرمەند وەڵامی تەلەفۆنەكەم بدەوە». لە كۆی ئەو دوو نامەیە، كوڕە هونەرمەندە كە بە ژمارەیەكی دی وەڵام دەداتەوە، لە نامەكەدا نووسیویەتی «دەبێ من لە تۆ توڕە بم، خۆت دەزانی لەكوێ و باسی چیت كردووە، تا ئێستا لای هیچ كەس باسی تۆم نەكردووە، لەبیرت چوو خۆت داوای سێكست لە من كردووە».
ئافرەتە هونەرمەندێك لەبەر ناوەڕۆكی راپۆرتەكە حەزی نەكرد ناوی بهێنرێ، ئەو گۆرانیبێژە، ئەوەی بۆ (سڤیل) ئاشكرای كرد، لە ماوەی سێ ساڵی كاركردنی لە گۆرانی گوتندا، نزیكەی 14 جار لە لایەن كوڕە هونەرمەندەكانەوە داوای سێكسكردنی لێكراوە، دەڵێ «سێكسكردن لای هونەرمەندەكان كارێكی ئاساییە، بە تایبەت سێكسكردن لە نێوان دوو هونەرمەند، چونكە دەموچاوی ئێمە دیار و ناسراوە، ناتوانین لەگەڵ كەسێكی ئاسایی و غەیرە هونەرمەند سێكس بكەین، بەڵام ئەگەر دوو هونەرمەند بەیەكەوە سێكس بكەن، ئەوا هەریەكەیان لەبەر كەسایەتی خۆی باس لەو سێكسكردنە ناكات»، ئەو ئافرەتە هونەرمەندە، دەشڵێ «لە كۆی 14 جار كە داوای سێكسم لێكراوە، لەگەڵ سێ هونەرمەندی زۆر بەناوبانگ سێكسم كردووە، لەجیاتی من لە ئەوان بترسێم، ئەوان لە من دەترسێن، نەوەكو لای هونەرمەندێكی هاوڕێم باسی بكەم».
بەشێكی زۆری ئەو هونەرمەندانەی پەیوەندی سێكسیان لەگەڵ یەكتردا هەیە، وشەی (چاوحیز) بۆ یەكتر بەكاردەهێنن، ئەو ئافرەتە نامەی پێنج گۆرانیبیژی كوڕی هاوپیشەی بۆ (سڤیل) دەخوێنێتەوە، هەر یەك لەو پێنج نامانەدا هاتووە، «(چاوحیز چۆنی لە كوێی)، (ئەمشەو چاوت زۆر حیز بوو، ئایا حەز بە سێكسكردن دەكەی؟)، (ناشیرین قوربانی ئەو چاوە حیزەت بم)، (راستە چاوت جوانە، بەڵام چاوت زۆر حیزە، خۆ پێت ناخۆش نییە وادەڵێم؟)، (تەنیا بۆ من چاوت حیزە یان بۆ هەموو كەسێك، ها گیانە؟»