له‌قه‌زای داقوق هاووڵاتیه‌ك به‌ ناوی ئه‌حمه‌د ره‌شید 8 ژنی هێناوه‌و 37 كوڕی لێیان بووه و ئێستا له‌ نه‌وه‌ی خۆی گوندێكی 30 ماڵی پێكهێناوه‌.
ئه‌و هاووڵاتیه‌ به‌ ره‌گه‌ز عه‌ره‌به و گونده‌كه‌ی سه‌ر به‌قه‌زای داقوقه‌، 8 ژنى ‌هێناوه كه‌ ئێستا چواریان له‌لای ماونه‌ته‌وه‌و چواریان مردوون و جیابوونه‌ته‌وه‌ لێی.

ئه‌و پیاوه‌ 37 كوڕی له‌هه‌موو ژنه‌كانی بووه و ئه‌و كوڕانه‌ش زۆربه‌یان ئێستا خێزاندارن و به‌مشێوه‌یه‌ ئه‌و گونده‌ ته‌نها له‌ نه‌وه‌ی ئه‌حمه‌د ره‌شید‌ پێكدێت كه گونده‌كه‌ش هه‌ر به‌ناوی خۆیه‌وه‌ ناونراوه‌.
یه‌كێك له‌هاوڕێكانی ئه‌حمه‌د ره‌شید ده‌ڵێت: ئه‌و پیاوه‌ ئێستا ته‌مه‌نی له‌ نێوان 70-75 ساڵاندا ده‌بێت ‌و بچوكترین كوڕی ئێستا ته‌مه‌نی 4 ساڵانه‌ ئه‌مه‌ش ئه‌وه‌ ده‌رده‌خات كه‌ هێشتا ئه‌و پیاوه‌ ته‌ندروستییه‌كی باشی هه‌یه‌ و جگه‌ له‌و كوڕانه‌ 12 كچیشی هه‌یه‌ كه‌ هاوسه‌ریان هه‌یه‌و له‌ده‌ره‌وه‌ی ئه‌و گونده‌ نیشته‌جێن.

سه‌رچاوه‌ مشخه‌ڵ