دیگۆ ئه‌رماندۆ مارادۆنای‌ راهێنه‌ری‌ یانه‌ی‌ وه‌سڵ دووه‌م راهێنه‌ره‌ له‌ جیهاندا بۆ وه‌رگرتنی‌ زۆرترین بڕی‌ موچه‌.
له‌ ئێستا خۆزێ‌ مۆرینیۆی‌ راهێنه‌ری‌ یانه‌ی‌ ریاڵ مه‌درید به‌ وه‌رگرتنی‌ 13.5 ملیۆن یۆرۆ ساڵانه‌ له‌پله‌ی‌ یه‌كه‌می‌ ئه‌و راهێنه‌رانه‌دایه‌ كه‌ زۆترین موچه‌ وه‌رده‌گرتن له‌سه‌ر ئاستی‌ جیهان، به‌م

دواییانه‌ش كه‌ مارادۆنا بووه‌ راهێنه‌ری‌ یانه‌ی‌ وه‌سڵ ئه‌و راهێنه‌ره‌ به‌ وه‌رگرتنی‌12 ملیۆن یۆرۆ وه‌ك موچه‌ی‌ ساڵانه‌ راسته‌وخۆ هاته‌ پله‌ی‌ دووه‌م و پێش هه‌ریه‌كه‌ له‌ پیپ گواردیۆلا و فێرگسۆن و فینگه‌ر كه‌وت له‌ وه‌رگرتنی‌ زۆرترین موچه‌دا.

له‌پ له‌ی‌ سێیه‌میش پیپ گواردیۆلا دێت به‌ وه‌رگرتنی‌ 10.5 ملیۆن یۆرۆ ساڵانه‌ و بینیتز له‌و ریزبه‌ندییه‌دا دانراوه‌ ئه‌مه‌ش له‌ كاتێكدا ئه‌و راهێنه‌ری‌ یانه‌ی‌ ئینته‌رمیلان بووه‌و له‌ پله‌ی‌ چواره‌مدایه‌ به‌بڕی‌ 10.2 ملیۆن یۆرۆ، فابیۆ كاپیلۆی‌ ئیتاڵی‌ و راهێنه‌ری‌ هه‌ڵبژارده‌ی‌ ئینگلته‌راش له‌ پله‌ی‌ پێنجه‌م دێت و ساڵانه‌ بڕی‌ 8.5 ملیۆن یۆرۆ وه‌رده‌گرێت.

ئه‌لێكس فێرگسۆنی‌ راهێنه‌ری‌ یانه‌ی‌ مانچسته‌ر یونایتدیش به‌ وه‌رگرتنی‌ 6.9 ملیۆن یۆرۆ وه‌ك موچه‌ی‌ ساڵانه‌ له‌ پله‌ی‌ شه‌شه‌م دێت و له‌ پله‌ی‌ حه‌وته‌میش ئارسن ڤینگه‌ر دێت به‌ وه‌رگرتنی‌ 6.6 ملیۆن یۆرۆ وه‌ك موچه‌ی‌ ساڵانه‌.

ياريكا