بڕیارە ئەستێرەی ناوداری جیهانی شاكیرا و عەمرو دیاب گۆرانیبێژی میسری لە هەفتەی داهاتوودا بەشداری ئاهەنگی موزیك و گۆرانیی زەماوەندی مەوازین لە مەغریب بكەن.

لە چوارچێوەی زەماوەندی مەوازین كە 20ی ئەم مانگە دەستی پێ كرد، كە تا 28ی ئەم مانگە بەردەوام دەبێ، وا بڕیارە لە كۆتای زەماوەندەكە هونەرمەندی كۆلۆمبی شاكیرا و هونەرمەندی میسڕی عەمرو دیاب و چەندان هونەرمەندی بیانی و عەرەبی بەشداری بكەن، بەپێی هەواڵێكی ئەمڕۆی ماڵپەڕی "عەربییە"ی سعوودی.

لە یەكەم رۆژی زەماوەندەكە مەیادە حەناوی گۆرانبێژی سووریایی بەدەنگە خۆشەكەی چەندان گۆرانی پێشكێش كرد، وەك گۆرانی "انا بعشقك" و "سیدی انا" و چەندان گۆرانی تر.

لەلایەكی ترەوە، وا بڕیارە لە 26ی مانگی داهاتوو، شاكیرا ئاهەنگی گۆرانی لە لبنان ساز بكات، كە ئاهەنگەكەی بۆ ماوەی 3 سەعات دەخایەنێ