وه‌رزشی -
یانه‌ی هه‌ولێر ده‌ستبه‌رداری یاریزانێك بوو  (PNA) – ده‌سته‌ی كارگێری یانه‌ی هه‌ولێر به‌ فه‌رمی ده‌ستبه‌رداری یاریزانێكی تیپی تۆپی پێی یانه‌كه‌ی بوو.
له‌مباریه‌وه‌ عومه‌ر مه‌جید یاریده‌ده‌ری راهێنه‌ری یانه‌ی هه‌ولێر له‌ لێدوانێكی تایبه‌ت به‌ ئاژانسی (په‌یامنێر) گوتی: رۆژی یه‌كشه‌ممه‌ له‌سه‌ر داوای ده‌سته‌ی راهێنه‌رانی یانه‌كه‌، ده‌سته‌ی كارگێری یانه‌ی هه‌ولێر به‌فه‌رمی ده‌ستبه‌رداری یاریزان ئیبراهیم سه‌بری بوو، ئه‌م یاریزانه‌ له‌ ناوه‌رِاستی وه‌رزی ئه‌مساڵ ته‌نیا به‌ مووچه‌ی مانگانه‌ په‌یوه‌ندی به‌ یانه‌كه‌مان كرد و گرێبه‌ستی نه‌بوو و مووچه‌كه‌شی یه‌ك ملیون دینار بوو.

جێگه‌ی باسه‌ ئیبراهیم سه‌بری له‌ ریزی یانه‌ی دیوانییه‌ یاری ده‌كرد بۆ ماوه‌ی دوو وه‌رز په‌یوه‌ندی به‌ یانه‌ی هه‌ولێر كرد به‌ مووچه‌ی مانگانه‌ و له‌ هێڵی به‌رگری یاری ده‌كات.