ئه‌مرۆ هه‌ولێر میوانداری یانه‌ی نه‌فت ده‌كات 
هه‌ولێر 13 حوزه‌یران/یۆنیۆ (PNA) - له‌ چوارچێوه‌ی یارییه‌كانی هه‌فته‌ی 24ی خولی بژارده‌ی عێراق كۆمه‌ڵه‌ی یه‌كه‌م ئه‌مرۆ دووشه‌ممه‌ له‌ یاریگه‌ی فرانسۆ هه‌ریری له‌ شاری هه‌ولێر یانه‌ی هه‌ولێر میوانداری یانه‌ی نه‌فت ده‌كات، ئه‌م یارییه‌ كاتژمێر 6ی ئێواره‌ به‌رێوه‌ده‌چێت.
ئه‌م یارییه‌ هه‌ریه‌كه‌ له‌ كازم عوده‌ ناوبژیوانی ناوه‌رِاست و ره‌زاق ئیبراهیم یاریده‌ده‌ری یه‌كه‌م و واسق مدلل یاریده‌ده‌ری دووه‌م و به‌كر مه‌حمود ناوبژیوانی چواره‌م یارییه‌كه‌ به‌رێوه‌ ده‌بن و ئیبراهیم قاسم ناوبژیوانی چواره‌مه‌.

له‌م یارییه‌ یاریزان شوان مامۆ به‌هۆی وه‌رگرتنی دوو كارتی زه‌رد ناتوانێت به‌شداری بكات.

یانه‌ی هه‌ولێر به‌ كۆكردنه‌وه‌ی 48 خاڵ له‌ پێشه‌نگی كۆمه‌ڵه‌ی یه‌كه‌م دێت و 5 یاری ماوه‌ و به‌ جیاوازی دوو خاڵ له‌گه‌ڵ یانه‌ی سه‌ناعه‌ خاوه‌ن پله‌ی دووه‌م و یانه‌ی نه‌فت به‌ كۆكردنه‌وه‌ی  36 خاڵ له‌ پله‌ی شه‌شه‌می خوله‌كه‌ دێت.