کچی پاشای سەعوودییه: په‌چه‌پۆشین کەلتووره
له‌کاتێکدا بنه‌ماڵه‌ی ئالی سەعوود زۆر به‌دوورن له په‌یڕه‌وکردنی ئایینی پیرۆزی ئیسلام، عادیله عەبدوڵڵا، کچی پاشای سەعوودییه، له بڵاوکراوه‌یه‌کدا به ناوی به‌رنامه بۆ چاکسازی ئاماژه به‌وه ده‌کات که ده‌بێت ئازادیی ته‌واو بدرێت به ئافره‌تان و تێکه‌ڵبوونی ژن و پیاو نابێت ڕێی لێبگیرێت؛ هه‌روه‌ها په‌چه‌پۆشین کەلتووره و په‌یوه‌ندیی به ئایینه‌وه نییه.
ساڵی پاریش بۆ ڕادیۆی (فرانس ئه‌نته‌رناسیۆنال) هه‌مان لێدوانی دابوو سه‌باره‌ت به کۆمه‌ڵگه‌ی سەعوودی که خه‌ڵکه‌که‌ی پێویستیان به‌م جۆره چاکسازییانه‌یه!!! ئه‌مه و له‌میانه‌ی چاوپێکه‌وتنی عادیله له‌گه‌ڵ ڕۆژنامه‌نووسێکی پیاوی ڕۆژنامه‌ی (لۆفیگارۆ)ی فه‌ره‌نسیدا به ته‌وقه‌کردن له‌گه‌ڵیدا پێشوازی لێده‌کات و خۆی وه‌کوو خه‌مخۆری ژنانی سەعوودییه ده‌داته قه‌ڵه‌م و له ڕووی پابه‌ندبوونی خۆیه‌وه به جلوبه‌رگی ئیسلامییه‌وه زیاتر جله‌کانی ڕۆژئاوایییانه‌ن و سه‌رپۆشێکی زۆر به‌ساده‌یی داوه به‌سه‌ریدا
dangiislam