[center][size=24]دوای‌ ئه‌وه‌ی‌ به‌بێ‌ هیچ ناوبڕو پشوویه‌ك، یاری‌ كۆمپیوته‌ری‌ ده‌كرد، هاوڵاتییه‌كی‌ ئینگلیزی‌ دوای‌ ته‌واوبوونی‌ یارییه‌كه‌ی‌، گیانی له‌ده‌ستدا.

(چاریس ستانیفۆرز)ی‌ ته‌مه‌ن (20) ساڵ له‌به‌ریتانیا، دوای‌ ئه‌وه‌ی‌ له‌گه‌ڵ هاورێكانی‌ بۆ ماوه‌ی‌ (12) كاتژمێر سه‌رقاڵی‌ یاریكردن بووه‌ به‌كۆمپیوته‌ر، به‌بێ‌ ئه‌وه‌ی‌ هیچ پشوویه‌ك وه‌ربگرێت، دوای‌ ته‌واوبوونی‌ یارییه‌كه‌، له‌هۆش خۆی‌ چووه‌و گیانی له‌ده‌ستداوه‌.

پاش ئه‌وه‌ی‌ پزیشكه‌كان شیكارییان بۆ ته‌رمه‌كه‌ی‌ كردووه‌، به‌خێزانه‌كه‌یان ڕاگه‌یاندووه‌، به‌هۆی‌ ئه‌وه‌ی‌ بۆ ماوه‌یه‌كی‌ زۆر جووڵه‌ی‌ نه‌كردووه‌، ئه‌و ده‌مارانه‌ی‌ كه‌ په‌یوه‌ستن به‌جووڵه‌كردنه‌وه‌ له‌كار وه‌ستان، ئه‌وه‌ش هۆكاری‌ مردنه‌كه‌ی‌ چاریس بووه‌.

باوكی‌ چاریس باسی‌ له‌وه‌كردووه‌، هه‌رگیز له‌و بڕوایه‌دا نه‌بووه‌ كوڕه‌كه‌یان به‌و هۆكاره‌ بمرێَت، چونكه‌ نه‌یده‌زانی‌ كۆمپیوته‌رو یارییه‌كان به‌و شێوه‌یه‌ زیانبه‌خشن، به‌ڵكو زۆربه‌ی‌ كه‌س كۆمپیوته‌ر بۆ سه‌رقاڵبوونی‌ منداڵه‌كانیان به‌كارده‌هێنن، ئه‌وه‌ش زۆر نیگه‌رانی‌ كردوون، بۆیه‌ باوكی‌ چاریس داوای‌ له‌دایك‌و باوكان كردوه‌، چاودێری‌ منداڵه‌كانیان بكه‌ن‌و له‌و یارییه‌ كۆمپیوته‌رییانه‌ به‌دووریان بگرن.
radionawxo[/size][/center]