شیعری ئه‌مشه‌وم شه‌رابی ده‌ستی مه‌ستێکه‌
دڵم گه‌وره‌ترین ئامانه‌تی ژیانمه‌و لای بێ هه‌ستێکه‌

شیعری ئه‌مشه‌وم بوتڵی شه‌رابی ئاشقێکی شێته‌
یشعری ئه‌مشه‌وم نامه‌یه‌کی فڕێ دراوه‌ وا له‌به‌ر پێته‌

شیعری ئه‌مشه‌و مه‌زه‌ی ئاشقێکی سه‌د ساڵانه‌
شیعری ئه‌مشه‌و گه‌ڵایه‌کی ونبوه‌ له‌ناو گه‌لاکانی خه‌زانه‌

شیعری ئه‌مشه‌و گریانی نوکی پینوسمه‌
شیعری ئه‌م شه‌و ماسیه‌کی له‌نێو ئۆقیانوسدا نوقمه‌

شیعری ئه‌م شه‌وم هه‌تیوه‌ له‌خۆم بێکه‌ستره‌
شیعری ئه‌م شه‌وم له‌ دڵه‌ خه‌وتوه‌که‌م بێ سۆز تره‌

شیعری ئه‌م شه‌و دڵۆپێک خوێنی سوره‌ له‌سه‌ر لوتکه‌ی به‌فرێکه‌
شیعری ئه‌مشه‌وم تارای پۆشی بو به‌ هاوسه‌ری غه‌م چ به‌د به‌ختێکه‌

شیعری ئه‌مشه‌و تابوتێکی بێ جه‌نازه‌یه‌
شیعری ئه‌مشه‌و شیعری ئاشقێکی بێ ئه‌ندازه‌یه‌

شیعری ئه‌مشه‌و کۆچێکه‌ بۆ ئاسمانی په‌پوله‌کانی غه‌م
شیعری ئه‌مشه‌و سوتانێکه‌ هه‌ر وه‌ک ئه‌شقی روناکیو شه‌م

هێشتا سه‌رخۆشم به‌ شه‌رابی ئه‌شقی یارم
هه‌مو ده‌ورم هه‌ر سه‌رخۆشه‌ بۆیه‌ له‌ ژیان بێزارم

ئایار ته‌نها
8/8/2011
کات:1:15 شه‌و