[size=24]ئه‌وه‌ی که‌ نه‌فس و عه‌‌قڵم پێم ئه‌ڵێن[/size]

- نه‌فسم ئه‌ڵێ بڕۆ بۆ ئه‌و شوێنه‌ی دڵت پێی خۆشه‌...
- عه‌قڵم ئه‌ڵێ مه‌ڕۆ بۆ ئه‌و شوێنه‌ی داهاتووی لێ ئه‌دۆڕێنی...
- نه‌فسم ئه‌ڵێ کات زۆره‌ ئه‌توانی دواتر تۆبه‌ بکه‌ی...
- عه‌قڵم ئه‌ڵێ تۆ نازانی کێ ناڵێ پێش تۆبه‌ کردن نامری...
- نه‌فسم ئه‌ڵێ ئاخر تۆ گه‌نجی...
- عه‌قڵم ئه‌ڵێ زۆر گه‌نجی وه‌ک تۆ هه‌ر به‌ گه‌نجی مردن...
- نه‌فسم ئه‌ڵێ مردن بۆ هه‌موو که‌سێکه‌، به‌ڵام ژیان بۆ ئه‌وانه‌یه‌ که‌ ئه‌ژین...
- عه‌قڵم ئه‌ڵێ ده‌ی ئه‌وانه‌ش که‌ مردوون ڕۆژێک بووه‌ که‌ ژیاون...
- نه‌فسم ئه‌ڵێ که‌ هه‌ر بمری ئیتر بۆ خۆش ڕانابوێری...
- عه‌قڵم ئه‌ڵێ مادام ئه‌مری کارێک بکه‌ لێی په‌شیمان نه‌بی...
- نه‌فسم ئه‌ڵێ له‌ هیچ په‌شیمان نابی گه‌ر به‌ ئاره‌زووی خۆت بیکه‌ی...
- عه‌قڵم ئه‌ڵێ بیرت نه‌چێ پێشتر ئه‌مه‌ت تاقی کردووه‌ته‌وه‌ و لێشی په‌شیمان بووی...
- نه‌فسم ئه‌ڵێ به‌ گوێ ی من بکه‌ دڵت خۆش ئه‌بێ...
- عه‌قڵم ئه‌ڵێ بۆ خۆشی کاتیی هه‌وڵ مه‌ده‌...
پاش ته‌واو بوونی گفتوگۆ، نه‌فسم وتی به‌ گوێم ئه‌که‌ی؟
منیش وتم با پرسێک به‌ عه‌قڵم بکه‌م......