بۆ چوار وه‌رزی ساڵ نابێته‌ پایز؟..
تا نیگای ئه‌وم هه‌رده‌م نیشان دا
ئه‌و نیگایه‌ی له‌ سنگما ئه‌سوتێ و
چه‌خماخه‌ ئه‌دا له‌ ناخی گیاندا
*

پایز بوو.. باران نم نم ئه‌باری..
نیگای چاوانی پایزیی و مه‌ستی
وه‌ک چه‌م ڕژایه‌ ده‌شتی گیانمه‌وه‌..
ده‌ستی خۆزگه‌می خسته‌ ناو ده‌ستی

تاکه‌ په‌ناگا‌م پایزه‌ و کزه‌ی
شینێ له‌ دڵما که‌ف و کوڵیه‌تی
کێ له‌به‌ر کۆستی منا خۆی ده‌گرێ؟
دڵم بولبوله‌.. پایز چڵیه‌تی
*
وێنه‌ی دوو دڵ و تیرێكمان هه‌ڵكه‌ند
له‌سه‌ر قه‌دی ئه‌و دار ئه‌رخه‌وانه‌
توخوا تۆ بڵێی ئه‌و داره‌ مابێ؟..
یان ئه‌ویش سوتوی سه‌ر گۆڕه‌كه‌مانه‌!

حه‌ز ئه‌که‌م پایزی عومرم..
هه‌ور بێ له‌ چاوی ئاسمانا
گریانێک بێ.. بێ کۆتایی..
سه‌مایه‌ک بێ له‌ سوتانا

dast xosh