[size=16]زانایانی ئه‌مریكی له‌وبڕوایه‌دان دابه‌زینی كێشی له‌ش كاریگه‌ری ئیجابی له‌سه‌ر وردبینی و بیرهێنانه‌وه‌ی كه‌سه‌كان هه‌یه‌.
به‌پێی لێكۆڵینه‌وه‌یه‌ك كه‌له‌ سایتی (هێلس دی نیوز)ی ئه‌مریكی بڵاوكراوه‌ته‌وه‌ و له‌لایه‌ن چه‌ند پسپۆرێكی زانكۆی (كنت) له‌ولایه‌تی ئۆهایۆی ئه‌مریكاوه‌ ئه‌نجامدراوه‌، ده‌ركه‌وتووه‌ كه‌سانی قه‌ڵه‌و ئاستی بیرهێنانه‌وه‌ی زانیاری و رووداوه‌كانی رابردوو و ئاستی وردبینیان لاوازه‌.
به‌پێی لێكۆڵینه‌وه‌كه‌ ئه‌و كه‌سانه‌ی كه‌ نه‌شته‌رگه‌ری دابه‌زینی كێشیان بۆ كراوه‌ و نزیكی 22 كیلۆگرام له‌كێشیان دابه‌زاندووه‌، دوای 3 مانگ گه‌ڕاونه‌ته‌وه‌ بۆ دۆخی جارانیان و بیركردنه‌وه‌یان به‌هێز بۆته‌وه‌ و ئاستی وردبینی-شیان باشتر بووه‌.
له‌لێكۆڵینه‌وه‌كه‌دا كه‌ 150 كه‌س تێیدا به‌شداربوون و كێشیان نزیكی 136 كیلۆگرام بوو و 109 كه‌سیان نه‌شته‌رگه‌ریان بۆ كراوه‌، ئاشكرابوو ئه‌و (41) كه‌سه‌ی كه‌نه‌شته‌رگه‌ریان ئه‌نجامنه‌داوه‌ و كێشیان دانه‌به‌زاند وه‌كو خۆیان ماونه‌ته‌وه‌ و ئاستی وردبینی و بیرهێنانه‌وه‌یان به‌لاوازی ماوه‌ته‌وه‌.

نه‌وا[/size]