[size=16][center]   
كات پایزێكى خه‌ماوى بوو ،
بیرم دێ ڕوحى جوانى ئه‌وین گیانى ئه‌دا ،
ناسكى ته‌مه‌نێكى نێرگزى وه‌ك گه‌ڵاكان ده‌وه‌را،
ساته‌ خۆشه‌كان ده‌رونیان به‌وێرانى جێهێشت و سۆزیان نه‌ما،
ئه‌م ناوه‌یان پڕ كرد له‌ بارانى ژێر هه‌ورى ته‌ما ،
دیده‌ى نیگا بۆ دوا جارماڵئاوای كردله‌ تروسكایى هیوا،
ئیتر نازانم كریستاڵه‌كانى ناخى غه‌ریبێك چۆن شكا
،ویستم به‌قه‌ده‌ر بڵێم ، سڵاو :ئه‌وه‌ منم ،
هاورێى و میوانى تۆم له‌وه‌ته‌ى هه‌م،
هه‌رله‌سه‌ر خوانى تۆش خانه‌خوێم،
ده‌ سه‌یرم كه‌ له‌ چى ئه‌چم؟
هێرۆیه‌كى جێماو یا ده‌ریاى بێ ئاو
له‌م جیهانه‌ نامۆیه‌.. سه‌یره‌ ؟
چۆن هاتم ..هه‌وارى بێ نازى دڵ له‌وه‌ نه‌ده‌چوو
به‌رگه‌ى ئه‌م هه‌موو شیوه‌نه‌ بگرێ و نه‌مێنێ ،
ئیتر نه‌ما له‌گه‌ڵ شنه‌ى سه‌ر دلۆپه‌ شه‌ونمێ
به‌ره‌و دورگه‌ى سپى سه‌فه‌رى كردوو
له‌ زه‌ماوه‌ندى وه‌رزى لێكدابڕانا دوا هه‌ناسه‌ى دا،
له‌دوایدا په‌ڕه‌ى گوڵێكى بێ هێزى كرده‌ دیارى و
له‌به‌هارێكى بێ ئاوى موحیبه‌تدا نه‌توانرا بچنرێته‌وه‌و
هه‌ر له‌وێدا به‌ زیزى له‌ گۆڕنرا......

هۆنراوه‌ی نیگار ئه‌حمه‌د[/center][/size]