هه‌روه‌ك چۆن له‌جیهاندا یادی زۆرێك له‌ بۆنه‌كان ده‌كرێته‌وه‌ و ڕۆژێكی‌ تایبه‌ت داده‌نرێت بۆ یادكردنه‌وه‌یان، به‌هه‌مان شێوه‌ له‌بواری زانستی‌ ته‌كنۆلۆجیادا به‌روار هه‌یه‌ بۆ یادكردنه‌وه‌ی‌ ئه‌و بابه‌تانه‌ی‌ كه‌ په‌یوه‌ندییان پێوه‌ی هه‌یه‌.

پرۆگرامه‌كانی‌ كۆمپیوته‌ریش ڕۆژێكی‌ تایبه‌ت به‌خۆیان هه‌یه‌ كه‌ ئه‌ویش به‌رواری 17ی سێپته‌مبه‌ر بوو كه‌ هه‌موو ساڵێك له‌لایه‌ن "دامه‌زراوه‌ی به‌رنامه‌ ئازاده‌كان"ه‌وه‌ یادی ده‌كرێته‌وه‌ كه‌ زۆرێك له‌ كۆمپانیا و دامه‌زراوه‌كانی‌ یادی ده‌كه‌نه‌وه‌ وه‌كو گۆگڵ‌ و كویتی و كۆمه‌ڵێكی‌ تر له‌ كۆمپانیاكانی‌ تر.

ئه‌م دامه‌زراوه‌یه‌ له‌ساڵی‌ 1983ه‌وه‌ ڕاگه‌یه‌ندراوه‌ كه‌ له‌لایه‌ن (ریچارد ستمۆڵن)ه‌وه‌، مه‌به‌ست له‌ دامه‌زراندنی‌ (دامه‌زراوه‌ی ڕێكخراوه‌ ئازاده‌كان) زیاتر په‌ره‌پێدان و پێشخستنی‌ به‌رنامه‌كانه‌ و دروستكردنی‌ ڕكابه‌رییه‌ له‌نێوانیاندا، دواتر له‌ ساڵی‌ 1991 پێشكه‌وتنه‌كانی‌ زیاتر بوو تاكو گه‌یشته‌ ئه‌و ڕاده‌یه‌ی كه‌ ناسرا به‌ (لیونێكس).