سم الله الرحمن الرحیم
سوپاس و ستایش بۆ خواى گەورە وە درودو سڵاو لە سەر گیانى پێغەمبەرى خوا وە لەسەر خێزان و كەس وكارى ئیماندارو هاوەڵان و شوێن كەوتوانى تا رۆژى دوایى.
لابردنی مووی رومەت بۆ پیاو و بۆ ژن قەدەغە كراو و حەرامە چونكە ئەمەش بەشێكە لە (النمص) كەوا لەعنەتی لە سەر هاتووە لە فەرموودەی پێغەمبەردا ((لعن النامصات والمتنمصات)) [سلسلة الأحاديث الصحيحة رقم: (2792)] .
شێخ (ابن العثيمين) ڕەحمەتی خوای لێبێت فەرموویەتی: (نتف الشيب إمَّا من اللحية أو شعر الوجه فإنه حرام لأن هذا من النمص، فإن النمص نتف شعر الوجه واللحية منه، وقد ثبت عن النبي صلى الله عليه وسلم أنه لعن النامصة والمتنمصة) [فتاوى الشيخ ابن العثيمين الـمجلد الـحادي عشر] .
واتە: لابردنی مووی سپی لە ڕیش یان مووی ڕوومەت حەرامە چونكە ئەمەش بەشێكە لە (النمص)، چونكە (النمص) بریتى یە لە لابردنی مووی ڕوومەت و ڕیشیش بەشێكە لە مووی ڕوومەت، وە ئەوەش سەلمێنراوە لە پێغەمبەرەوە كەوا لەعنەتی كردووە لەوانەی كەوا مووی ڕوومەتیان لادەبەن و ئەوانەش كە بۆیان لادەبەن.
وە شێخ (الألبانـی)ش ڕەحمەتی خوای لێبێت فەرموویەتی:
(لعن رسول الله صلى الله عليه وسلم النامصة ـ وهي التي تنتف شعر حاجبيها أو غيرها بقصد التجميل ـ وعلل ذلك بأنه تغيير لـخلق الله تعالى، والذي يحلق لـحيته إنَّما يفعل ذلك للحسن - زعم - وهو في ذلك يغير خلقة الله تعالى فهو في حكم النامصة تـماما ولا فرق إلا في اللفظ) [تـمام الـمنَّة ص: (82)] .
واتە: پێغەمبەری خوا صلى الله عليه وسلم لەعنەتی كردووە لەو ئافرەتانەی كەوا مووی ڕوومەتیان لادەبەن ـ كە بریتىیە لەو ئافرەتەی كەوا مووی هەردوو برۆی یان جگە لە برۆشی لادەبات بە مەبەستی خۆ ڕازاندنەوە و خۆ جوان كردنەوە ـ وە هۆكاری ئەمەشی گەڕاندووەتەوە بۆ ئەوەی كەوا ئەمە گۆڕینی دروستكراوەكانی خوای گەورەیە، وە ئەو پیاوەی كەوا ڕیشی دەتاشێت بۆیە ئەمە دەكات بۆ ئەوەی جوان بێتەوە ـ بە بۆچوونی هەڵەی خۆی ـ ئەویش لەم كارەیدا دروسكراوی خوای گەورە دەگۆڕێت، وە ئەوەش دەچێتە ژێر حوكمی ئەو كەسەوە كەوا مووی ڕوومەتی لادەبات (النامصة‌) بە تەواوی و هیچ جیاوازىیەك نى یە لە نێوانیاندا ئیللا لە لەفزەكەدا نەبێت.
لة بةهةشت وةركيراوة.