هه‌رگیز ناتوانێت بخه‌وێت

لامب به‌هۆی‌ نه‌خۆشییه‌كی‌ ده‌گمه‌نه‌وه‌ ناتوانێت چاو بتروكێنێت، ئه‌مه‌ جگه‌ له‌وه‌ی‌ كه‌ ناتوانێت بخه‌وێت.

به‌گوێره‌ی‌ هه‌واڵێكی‌ ڕۆژنامه‌ی‌ (سه‌باح)ی‌ توركی‌، (ڕێت لامب)ی‌ ته‌مه‌ن (3) ساڵ، وه‌كو هه‌موو منداڵێكی‌ دیكه‌ هارو بزێوه‌، به‌ڵام له‌ڕوویه‌كی‌ دیكه‌وه‌ جیاوازه‌ له‌منداڵانی‌ تر، چونكه‌ له‌گه‌ڵ ئه‌وه‌ی‌ ته‌مه‌نی‌ سێ‌ ساڵه‌، به‌ڵام تائێستا چاوی‌ نه‌تروكاندوه‌و نه‌خه‌وتووه‌، به‌ڵكو هه‌میشه‌ هۆشیاره‌.

لامب تووشی‌ نه‌خۆشییه‌كی‌ زۆر ده‌گمه‌ن بووه‌‌و پێی‌ ده‌ڵێن (چیاری‌) واته‌ دوو پارچه‌ی‌ ناو مێشكی‌ زیاتر له‌قه‌باره‌ی‌ خۆیان درێژن، هه‌ر بۆیه‌ ده‌بنه‌ هۆی‌ ڕێگرییكردن له‌خه‌وتنی‌ ئه‌و منداڵه‌ بچووكه‌.