كه‌م كه‌س هه‌یه‌ كه‌ كۆمپیوته‌ری به‌ كارهێنابێت و ئه‌م باكگراوه‌نده‌ سه‌زه‌ی نه‌بینیبێت كه‌ به‌ شێوه‌ی خودكار له‌ گه‌ڵ هه‌موو ویندۆزێكی ئێكس پیدا هه‌یه‌ و شێوه‌یه‌كی ئێجگار جوانی هه‌یه‌، به‌ڵام تا ئێستا نهێنی ئه‌و وێنه‌یه‌ ئاشكرا نه‌كرابوو تا چه‌ند ڕۆژێك له‌مه‌وپش.
ئه‌م وێنه‌یه‌ ناوی Bliss كه‌ به‌مانای (شوێنێكی زۆر خۆش یان به‌هه‌شت به‌كاردێت) و له‌ ساڵی 1996 ه‌وه‌ گیراوه‌ و پێش به‌دیاركه‌وتنی ویندۆز ئێكس پی له‌ ساڵی 2000 و ته‌نانه‌ت پێش دروستكردنی له‌ ویندۆز میلنیۆم.
ئه‌م وێنه‌یه‌ له‌لایه‌ن فۆتگۆرافه‌ر شارڵز ئۆریره‌وه‌ گیراوه‌ له‌یه‌كێك له‌ ناوچه‌كانی سنۆما له‌ ویلایه‌تی كالیفۆرنیا له‌ كێڵگه‌یه‌كی تایبه‌ت یه‌ ترێ و له‌هه‌مان كاتدا به‌ كامێرایه‌كی ئاسایی ئه‌و وێنه‌یه‌ی گرتوه‌ و نه‌یده‌یزانی كه‌ ڕۆژێك دێت ئاوا به‌ناوبانگ ده‌بێت وێنه‌كه‌ی.
ئه‌وه‌ی به‌ نهێنی له‌م وێنه‌یه‌دا ماوه‌ته‌وه‌ ئه‌وه‌یه‌ كه‌ تا ئێستا مایكرۆسۆفت ئاشكرای نه‌كردوه‌ كه‌ چه‌ندی پاره‌ به‌ شارڵزی فۆتۆگرافه‌ر داوه‌ بۆبه‌كارهێنانی ئه‌و وێنه‌یه‌ له‌ به‌ناوبانگترین ویندۆزی جیهانی(ویندۆز ئێكس پی) و له‌ هه‌مان كاتدا شارڵزیش لای خۆیه‌وه‌ ڕه‌تی كردۆته‌وه‌ كه‌ لێدوان له‌ باره‌ی ئه‌و ڕێكه‌وتنه‌ نهێننیه‌ی نێوان خۆی و مایكرۆسۆفت بدات.