[center][/center]
[center][size=24]مامۆستا له‌كاتی ده‌ست پێ‌ كردنی وانه‌كه‌ی په‌رداخێك ئاوی هه‌ڵگرت و به‌رزی كرده‌وه‌ تا هه‌مویان بیبینن پاشان له‌قوتابیه‌كانی پرسی..!
كێ‌ ده‌زانێ‌ كێشی ئه‌م په‌رداخه‌ چه‌نده‌؟
قوتابیه‌كان وه‌ڵامیان دایه‌وه‌ 50 گرام , مامۆستا وتی: من به‌بێ‌ كیشانه‌ كردن نازانم ڕێك وه‌زنه‌كه‌ی چه‌نده‌ , به‌ڵام پرسیاره‌كه‌ی من ئه‌مه‌یه‌ ئه‌گه‌ر من چه‌ند خوله‌كێك ئه‌م په‌رداخه‌ به‌م شێوه‌یه‌ ڕابگرم چی ڕو ئه‌دات ؟
قوتابیه‌كان وتیان , هیچ شتێك ڕو نادات .
مامۆستا وتی : باشه‌ ئه‌گه‌ر من كاتژمێرێك ئه‌م په‌رداخه‌ ڕاگرم چی ڕو ده‌دات؟
یه‌كێك له‌قوتابیه‌كان وتی : ده‌ستت توشی ئازار ده‌بێت .
مامۆستا وتی , تۆ ڕاست ده‌كه‌ی , به‌ڵام ئه‌گه‌ر یه‌ك ڕۆژی ته‌واو رایگرم چی ڕوده‌دات ؟
قوتابیه‌كی دی وه‌ڵامی دایه‌وه‌و وتی , ده‌ستت بێ‌ هێز ده‌بێت وماسولكه‌كانی توشی پاڵه‌په‌ستۆیه‌كی به‌هێز ده‌بێت وله‌كار ده‌كه‌وێت , وه‌ به‌ دڵنیاییه‌وه‌ كار ده‌گاته‌ نه‌خۆشخانه‌.[/size]

[size=24]هه‌موو قوتابیه‌كان ده‌ستیان كرده‌ پێكه‌نین , مامۆستاكه‌ وتی زۆر باشه‌ و به‌ڵام ئایا كێشی په‌رداخه‌كه‌ گۆڕاوه‌ ؟ وتیان نه‌خێر.
مامۆستا به‌رده‌وام بو وتی : ئه‌ی چی ده‌بێته‌ هۆی ئازارو پاڵه‌په‌ستۆی سه‌ر ماسولكه‌كان ؟ قوتابیه‌كان بێ‌ وه‌ڵام بون , به‌ڵام یه‌كێكیان وتی مامۆستا په‌رداخه‌كه‌ دانێ‌ !
مامۆستاكه‌ وتی : به‌ڕاستی كێشه‌كانی ژیان وه‌ك ئه‌م په‌رداخه‌ ئاوه‌ وایه‌ , ئه‌گه‌ر ئه‌و كێشه‌و گیرو گرفتانه‌ چه‌ند خوله‌كێك له‌ مێشكتاندا ڕاگرن نابێته‌ كێشه‌ , به‌ڵام ئه‌گه‌ر ماوه‌یه‌كی زۆر تر بیری لێبكه‌نه‌وه‌ توشی ئازار ده‌بن , وه‌ ئه‌گه‌ر زیاتر له‌مێشكتاندا ڕایگرن ئیفلیجتان ده‌كات وئیتر ناتوانن هیچ كارێك ئه‌نجام بده‌ن .
بیر كردنه‌وه‌ له‌كێشه‌كانی ژیان گرنگه‌ , به‌ڵام گرنگتر ئه‌وه‌یه‌ له‌كۆتایی هه‌موو ڕۆژێكداو له‌پێش خه‌وتن هه‌مویان له‌مێشكت فڕێ‌ بده‌یت , وه‌به‌م شێوه‌یه‌ ناكه‌ونه‌ ژێر فشاره‌ ده‌رونیه‌كان و هه‌موو به‌یانیه‌ك به‌شه‌وقه‌وه‌ له‌خه‌و هه‌ڵده‌ سن ,وه‌ توانای ئه‌وه‌تان ده‌بێت له‌به‌رامبه‌ر هه‌ر كیشه‌و گرفتێك كه‌ دێته‌ پێش بۆتان ڕاوه‌ستن .[/size]

له‌فارسیه‌وه‌ / وه‌رگیراوه‌[/center]