[center]

KTV ...

زانایانى ئه‌مریكى له‌ په‌یمانگاى "ماساچوستس بۆ ته‌كنه‌لۆژیا" توانیان نهێنى هێزى و ڕه‌قى كێشانى تۆڕی جالجالۆكه‌ ئاشكرا بكه‌ن ، كه‌ چۆن ده‌توانێت به‌رگه‌ى هه‌واو ئاوى باران بگرێت .

زانایان ده‌لێن" هێزى هێلى تۆڕى جالجالۆكه‌ ته‌نها به‌هۆى هێزى ماده‌ى حه‌ریره‌وه‌ نییه‌ كه‌ ته‌ونه‌ ده‌كێشێت ، به‌لكۆ بۆ ئالۆزوبالوزى تۆڕه‌كه‌ ده‌گه‌رێته‌وه‌ .

به‌پێی هه‌والى ئاژانسی شه‌رق ئه‌لئه‌وسه‌ت ، دروستكردنى تۆڕی جالجالۆكه‌ به‌ شێوه‌ى ئالۆزو تێكهه‌لكێشاو موعجیزه‌یه‌كى زانستیه‌ ، چونكه‌ له‌ خالى ده‌ستپێكردنیه‌وه‌ تا كۆتایی هێله‌كان پچرپچر ناكات ، كه‌ ئه‌مه‌ش هێزێكى زیاتر به‌ تۆڕه‌كه‌ ده‌به‌خشێت .

توێژه‌ر ماركۆس بۆهلرالى ئاماژه‌ى به‌وه‌دا ، كه‌ هێزى ڕاسته‌قینه‌ له‌ كێشانى تۆڕی جالجالۆكه‌دا له‌ كێشانى ماده‌ى حه‌ریردا نییه‌ ، به‌لكۆ په‌یوه‌سته‌ بۆ چونیه‌تى دروستكردنیه‌وه‌ ، كه‌ به‌ شێوه‌ى میكانیكێكى پێشكه‌وتى مرۆڤه‌وه‌ ته‌ونه‌كه‌ ده‌كێشێت .   

[/center]