ده‌سته‌ی كارگێری یانه‌ی هه‌ولێر بریاری دا رۆژی پێنچشه‌ممه‌ (1/3/2012) له‌ باره‌گای یانه‌ی هه‌ولێر مزایدی كراوه‌ بۆ فرۆشتنی بلیتی یاری نێوان هه‌ردوو یانه‌ی هه‌ولێر و كازمه‌ی كوه‌ێتی له‌ چوارچێوه‌ی یارییه‌كانی جامی یه‌كێتی ئاسیا بۆ تۆپی پێی ئه‌نجامبدات، كه‌ یارییه‌كه‌ له‌ رۆژی 6ی مانگی داهاتوو به‌رێوه‌ ده‌چێت.

بۆ ئه‌م مه‌بسته‌ ده‌سته‌ی كارگێری داوا له‌ سه‌رجه‌م لایه‌نه‌كان ده‌كات ئه‌وانه‌ی ئاره‌زووی به‌شداربوونیان هه‌یه‌ له‌م مزایده‌ له‌ كات و ساتی دیاریكراو له‌ باره‌گای یانه‌ ئاماده‌ بن و به‌ پێی ئه‌م مه‌رجانه‌ی خواره‌وه‌.

1-نرخی كرینی لیستی مه‌رجه‌كانی به‌شداربووان له‌م مزایده‌ (100000) سه‌د هه‌زار دیناره‌ و گه‌رانه‌وه‌ی بۆ خاوه‌نی نییه‌.

2- نرخی بلیتی یاری (هاتنه‌ژووره‌وه‌ی جه‌ماوه‌ر) بۆ یارییه‌كه‌ (2000) دوو هه‌زار دیناره‌.

3-مزایده‌كه‌ رۆژی پێنچشه‌ممه‌ كاتژمێر 5ی ئێواره‌ ده‌ست پێده‌كات.