[center]

KTV ...

لێكۆلینه‌وه‌یه‌كى تازه‌ى پزیشكى ئاشكراى كردووه‌ ، كه‌ زیادبوون و كه‌مبوونه‌وه‌ى كێشی له‌شی مرۆڤ ته‌نها په‌یوه‌ست نییه‌ به‌ ماوه‌ى پابه‌ندبوون به‌ سیسته‌مى خۆراكى ته‌ندروست و هاوسه‌نگى و یان ڕاهێنانى وه‌رزشیه‌وه‌ ، به‌لكۆ هه‌ندێ حه‌بی پزیشكى كاریگه‌رى ئیجابی و سلبیان هه‌یه‌ له‌سه‌ر حاله‌تى ته‌ندروستى نه‌خۆش له‌كاتى خواردنیدا .

به‌پێى هه‌والى ئاژانسی شه‌رق ئه‌لئه‌وسه‌ت ، هه‌ندێ حه‌بی پزیشكى گۆڕانكاریه‌كى ئاشكرا له‌ تێكراى كێشى له‌شی مرۆڤ ڕووده‌دات وه‌ حاله‌تێكى ئیجابی ، وه‌كۆ حه‌بی چاره‌سه‌رى نه‌خۆشی شه‌كره‌و به‌رزى پاله‌په‌ستۆى خوێن .

توێژه‌ران ده‌لێن" هه‌ولدان بۆ كه‌مكردنه‌وه‌ى كێشی له‌ش سوودێكى ته‌ندروستى گرنگى هه‌یه‌ ، به‌لام له‌وانه‌شه‌ له‌ هه‌ندێك حاله‌تدا مرۆڤ تووشی ژماره‌یه‌ك نه‌خۆشی ترسناك بكات ، چونكه‌ هه‌ندێ كه‌س حه‌بی پزیشكى به‌كارده‌هێنن به‌بێ پێویستى ته‌ندروستى ، ته‌نها مه‌به‌ستیان كه‌مكردنه‌وه‌ى كێشی له‌شه‌ ، ئه‌مه‌ش زیانى ته‌ندروستى به‌دواوه‌یه‌ .[/center]