[size=24]

بسم الله الرحمن الرحيم
الحمد لله والصلاة والسلام على رسول الله وعلى آله وصحبه وسلم، اما بعد:
خاڵى جیاوازى وناكۆكى لە نێوان پێغەمبەران ومیللەتەكانیان تەنها لەسەر یەكخواپەرستىپەرستن بووە(*).
لە نوحەوە(صلى الله عليه وسلم)تاوەكو پێغەمبەر محمد (صلى الله عليه وسلم)بگرە هەموو ئەوانەیش كەوا لەسەر ڕێبازى پێغەمبەران بەردەوام بوونە توشى بەربەرەكانى بوونە لەگەڵ خەڵكانى دوور لە خوا، وە ئەوەى كە جێگاى سەرسوڕمانە ئەوەیە؛ ئەوانەى دژایەتى شوێنكەوتوانى پێغەمبەران دەكەن لە دواى پیغەمبەرەوە(صلى الله عليه وسلم)تێیاندا هەیە هەر بە ناوى ئیسلامەتى یەوە دژایەتى یەكەیان بەرپا كردووە،جا بۆیە پێغەمبەران و شوێنكەوتوانیان لە تانە و تەشەرى میللەتەكانیان بێ بەش نەبوونە، وە تاوەكو رۆژى قیامەتیش هەر كەسێك لە سەر رێبازى پێغەمبەران بەردەوام بێت بە گوێرەى ڕادەى دەست گرتن و پابەند بوونى بە رێبازى پێغەمبەرانەوە توشى ناخۆشى دەبیت لە سەر دینەكەى، ئەوەتا پێغەمبەرى خوا(صلى الله عليه وسلم) لە پێش پێغەمبەرایەتى بە(ڕاستگۆى دەست پاك) ناوى دەر كردبوو لە ناو میللەتەكەى بەڵام دواى ئەوەى خواى پەروەردگار نیگاى بۆ نارد ئینجا میللەتەكەى بە پێچەوانەى پێش تر دەستیان كرد بە قسە پێ ووتن و ناوو ناتۆرە دۆزینەوە لێ ى،جارێك بە شێت و جارێك بە جادوگەر و جارێك بە……………… هتد.
ئەمەیش هیچ بانگەواز كەرێك لێی بێ بەش نابێت، مەبەستیش لە بانگەواز كەر ئەوانەن كە بانگەوازەكەیان وەكو پێغەمبەرانە نەك ئەوانەى ڕێبازى ئیسلام لە بیر و بۆچونەكانى خۆیان هەڵدە هێنجێنن.
ڕوون و ئاشكرایشە وەكو وتمان خاڵى ناكۆكى لە نێوان پێغەمبەران و ئومەتەكانیان تەوحیدى پەرستنى پەروەردگار بووە ئەمەیش ئەوە ڕوون دەكاتەوە كەوا تاكە ڕێبازێك هەبێت بە ڕاست دابنرێت لە دواى پێغەمبەران ڕێبازى ئەو كەسانەیە كەبست بە بست لە سەر ڕێگەى پێغەمبەران دەڕۆن و تاكە ئاواتیشیان ئەوەیە تەوحیدى پەرستنى خواى پەروەردگار بەدى بێت لە ناو میللەتەكانیان، نەك ئەم ئامانجە بگۆڕنەوە بە چەند ئامانجێكى دونیایى و بە ناوى دینەوەیش بیكەن وەكو بە دەست هێنانى چەند كورسی یەك لە حكومەتەكان ئەگەر بیان دەنێ! ئەم كۆتایی یەیش سزایەكى پەروەردگارە لە دونیا جا لە دوا ڕۆژیشدا خواى گەورە دەزانێت سەرەنجامیان چۆن دەبێت ؛مەبەست ئەوانەن بانگەواز دەكەن بەناوى دین و پێچەوانەى پێغەمبەرانیش دەكەن؛.
جا ئەو تەوحیدەیش كەوا پێغەمبەرانى لەپێناودا هاتوون بریتى یە لەوەى كەوا مرۆڤى كافرى پێ موسڵمان دەبێت، بگرە قورئانى پیرۆزیش هەمووى هەر لە باسى تەوحیدەو پێغەمبەرانیش هەر هەموویان لە بەر تەوحید نێردراون، وژیانى موسڵمانیش دەبێت هەر هەمووى بۆ تەوحید بخرێتە گەڕ، وە پەروەردگاریش دنیاى دروست كردووە لە بەر تەوحیدى پەرستنى خۆى،پەرى و مرۆڤیشى هەر لە بەر تەوحید دروست كردووە، بەهەشت و جەهەنەم هەر لەبەر تەوحید دروست كراون، مانەوەى هەتا هەتایى لە بەهەشت هەر لەبەر تەوحیدە لە ئاگریش هەر بە هەمان شێوە، هەموو پێغەمبەرانیش سەرەتای بانگەوازەكانیان هەر بە تەوحید دەست پێ كردووە،وە خواى پەروەردگاریش فەرمانى پێ كردوون كە بیگەیەنن بە خەڵكى، ئەوەتا پێغەمبەرى خوا (صلى الله عليه وسلم) (13) سیانزە ساڵى سەرەتاى بانگەوازەكەى تەنها و تەنها بۆ تەوحید بوو لە شارى مەككەى پیرۆز بێ ئەوەى فەرمان بە هیچ شتێك بكات یاخود قەدەغەى هیچ شتێك بكات، وە هەروەها پێغەمبەر(صلى الله عليه وسلم)هاوەڵانیشى هەر لەسەر تەوحید پەروەردە دەكردلە منداڵى یەوە،بە پێچەوانەى نەزانانى ئەمڕۆ كەوا تێدەگەن بانگەواز كردن بۆ تەوحید جیاوازى و دوبەرەكى دەخاتە ناو ڕیزى موسڵمانانەوە!!جا گومانى تێدا نى یەكە ئەو ڕیزەى بە فێربوونى تەوحید تێك بچێت لەسەر بناغەى بانگەوازى پێغەمبەران دانەمەزراوە،چونكە ئەم تەوحیدە حەقیقىیە دینى خوایە كەوا هەموو بەشەكانى ترى لە سەر دادەمەزرێت، وە خواى پەروەردگاریش جگە لە تەوحید هیچ دین و ڕێبازێكى تر قەبووڵ ناكات ؛چونكە لە هەمان كاتدا دواى ئەوەى پێغەمبەرى خوا(صلى الله عليه وسلم) هاوەڵانى لەسەر تەوحید پەروەردە كرد فێریشیانى دەكرد كەوا یەكەم خاڵى بانگەوازەكەیان هەر بە تەوحید دەست پێ بكات،بە بەڵگەى ناردنى موعازى كورى جەبەل(خواى لێ ڕازى بێت) بۆ بانگەواز كردن بۆ یەمەن كە پێی فەرموو: [ فليكن أول ماتدعوهم اليه شهادة أن لا اله الا الله ] (رواه مسلم)، كتاب الايمان،باب الدعاء الى الشهادتين وشرائع الاسلام، رقم الحديث (31).
واتە/ با یەكەمین شت كە بانگیان دەكەیت بۆى تەوحید بێت (لاالە الاالله).
ئەمانە هەمووى گرنگێتى تەوحیدى پەرستن دەردەخەن، جا هەركەسێك وەكو پێغەمبەران گرنگى بە تەوحید نەدات و حەقى خۆى نەدات ئەوا ئەو كەسە پێچەوانەى پێغەمبەرانى كردووە بە زمانى حاڵى ئەگەر چى بەزمانى قسەش بڵێت من لە سەر ڕێبازوڕێگاى پێغەمبەرانم!!!.
وە پێغەمبەرى خو(صلى الله عليه وسلم) دەفەرمێت: [لاتزال طائفة من امتي ظاهرين على الحق.... ] (رواه مسلم). ك الامارة. ب (لاتزال طائفة من امتي ……) رقم الحديث (170)
واتە / هەر بە بەردەوامى كۆمەڵێك لە ئومەتى من دیارن وئاشكران لەسەر حەق....ئەم كۆمەڵەى كە لەسەر حەقن لە ڕووى بانگەواز كردنیشەوە هەر لە سەرحەقن و بەنیگا كاردەكەن، نەك لە سەربیرو بۆچونى كەم و كوڕى مرۆڤ، جا هەر لە زنجیرەى شوێن كەوتوانى پێغەمبەران كۆمەڵە زانایەكى زۆر هەبووە ڕێبازى پێغەمبەرانیان زیندووكردۆتەوە لە هەموو لایەنەكانى ئیسلام، وە لە هەموو ڕوویەكیشەوە بانگەوازى خۆیان لە پێغەمبەران وەرگرتووە، نەك وەكو كەسانێك كەوا بانگەوازەكەیان لە بیرو هۆشى خۆیان وەرگرتووە وداڕشتووە !! وەدەڵێن لە عەقیدەدا سەلەفین و لە پەروەردا ئیخوانین و لەجیهادیشدا ….
(سبحان الله !!!)
ئەم ئاخاوتنە مانایەكى زۆر گەورە و ترسناكى هەیە و حوكمى ترسناكیشى دەبێت لە سەر خاوەنەكانیان ئەگەر بزانن چى دەڵێن،جا لێرەدا دەڵێین:
ئایا سەلەفى صاڵح پەروەردەیان نەبووە تا لێیان وەربگرن ؟!
ئایا سەلەفى صاڵح پەروەردە نەكراون لە لایەن پێغەمبەرى خواوە(صلى الله عليه وسلم) ؟ !
ئەو سەلەفەى كەوا پەروەردگار لە دونیادا لێیان ڕازى بوو، ئەمانەو چەندین پرسیارى تر خۆیان دەهێننە پێشەوە جا لێرەدا ئەوەى شایەنى بە بیرهێنانەوەیە ئەوەیە: كەڵەزانایەكى ناودارى ئەهلى سوننەت و جەماعەت كەوا بست بە بست وهەنگاو بە هەنگاو لەسەر رێبازى پێغەمبەران ڕۆیشت ومەنهەجەكەى(شیخ الاسلام ابن تيمية‌) ى زیندووكردەوە لە سەدەى دوانزەى كۆچیدا،ئەویش زاناى پایەبەرز شێخى ئیمام محمدى كورى عبدالوهاب (ڕەحمەتى خواى لێ بێت) ئەم ئیمامە بەرزە كە كتێبە بچوك و بە بەرەكەتەكانى ڕۆژهەڵات و ڕۆژ ئاواى گرتەوە جا هەر وەكو چۆن لە سەر ڕێبازى پێغەمبەران ڕۆیشت هەر بەم شێوەیەیش وەكو پێغەمبەران بێ بەش نەبوو لە تانەو تەشەرى میللەتەكەى و ناوو ناتۆرێكى زۆر و بوختانێكى یەكجار زۆرى بۆ هەڵبەسترا،وبەزۆر شت تۆمەت بار كرا، وە لە ئەنجامى هەموو ئەو بوختانانەى پێیدا هەڵبەسترا فەرمووى: [سُبْحَانَكَ هَذَا بُهْتَانٌ عَظِيمٌ !!! ] (النور/16). جا دوژمنانى دینى خوا چ لەكافران یاخود لە ئەهلى بیدعە و گومڕاكان دەستێكى زۆر زۆر باڵایان هەبوو بۆ ئەو پیلان و بوختانانەى كەوا دەدرایە پاڵ ئیمام، بەڵام ئیمام چۆكى دانەدا بەرامبەر پیلان گێڕانى ئیبلیس و پشتیوانانى، چونكە زۆر باش دەیزانى كە فێڵ و تەڵەكەو نەخشەى ئیبلیس زۆر بێ هێز و پوچەڵە.
جا یەكێك لەو بوختانانەى كە بۆی هەڵبەسترابوو ئەوە بوو دەیان ووت: (خەڵكى كافر دەكات بەتێكڕا !!!).
لەم كاتەدا بوو فەرمووى (پاك و بێگەردى بۆ تۆ ئەى خوایە گیان ئەمە بوختانێكى زۆر گەورەیە !!!).
یاخود دەیان ووت: (مەزهەبێكى ترى پێنجەمى بۆ خۆى داناوە !!!).
دیارە ئەم بوختانەیش هەر پوچەڵكرایەوە چونكە ئەوەى چۆڕێكى لە ژیانى ئەم كەڵە ئیمامە خوێندبێتەوه ‌دەزانێت كەمەزهەبى فیقهى ئیمام حەنبەلى بووە بە مەرجێك پێچەوانەى قورئان و فەرموودە صەحیحەكان نەبێت.
وە هەندێكیش تاوەكو ئەمڕۆ كۆمەڵی (وەهابى) دەدەنە پاڵ ئەم ئیمامە ! گوایە ئیمام ڕابەرى ئەم كۆمەڵە گومڕایەیە! جا لێرەدا دەبێت كەمێك لە سەر ئەم خاڵە بوەستین و بزانین حەقیقەتى وەهابیەت چى یە و ؟ كێ دامەزرێنەرى وەهابى یەتە ؟ ! وە پێویستیشە شتێك لە ژیانى ئەم ئیمامە بە كورتى بزانین، جا بۆیە دەڵێین:
ئیمام لە ساڵى (1115) ى كۆچى لەماڵێكى دیندار وپڕ لەزانیارى لەدایك بووە،وەباوكى زانایەكى گەورە بووە،وەباپیریشى(سلیمان) زاناى (نجد) بووە لەسەردەمى خۆیدا،پێش تەمەنى دە(10) ساڵى قورئانى پیرۆزى لەبەركردووە،پاشان فیقهى خوێندووە وەزۆر پەرتوكى تەفسیرو فەرمودەى دەخوێندەوە،وەبۆگەڕان بەدواى زانستدا زۆر شوێن گەڕاوە،وەلەلاى زاناى پایە بەرز شێخ عبد الله بن ابراهیم الشمری وفەرموودەناسى بەناوبانگ شێخ محمد حیاة‌ السندی دەرسى خوێندووە،وەپەرتوكێكى زۆرى لەدانراوەكانى شێخى ئیسلام (ابن تیمیە) و(ابن القیم) بەدەستى خۆى نوسیوەتەوە، وە لە ساڵى (1206) ى كۆچى، كۆچى دوایى كردووە.
كەواتە كۆى گشتى تەمەنى ئیمام (91) ساڵ بووە، ئیمام لە تەمەنى (25) ساڵیدا دەستى داوەتە بانگەواز كردن بۆ لاى خواى پەروەردگار، ئەمەیش پاش ئەوەى كە لەلاى كۆمەڵێك زانا زانستە شەرعی یەكانی خوێندبوو،
بە تایبەتى باوكى كەوا هەرلە سەرەتای منداڵی یەوە زانستەكانى لاى باوكى خۆى خوێندووە و باوكیشى زانایەكى ئەو سەردەمەبووە. واتا ئیمام ئەو (25) ساڵەى تەمەنى لە بەدەست هێنانى زانستى شەرعى بە سەر بردووە، ئینجا دەستى داوەتە بانگەواز كردن.
جالێرەدا بۆ ئەوەى بناغەى وەهابیەكان چاك هەڵماڵین پێویستە كورتە باسێك بكەین دەربارەى (عبدالرحمن ى كوڕى رۆستەم): خەوارجێكى ئیبازى بووە كاتێك كەوا زانیوێتى نزیكى سەرە مەرگێتى ئەمیش لە ساڵى (171)ى كۆچى بووە هەستاوە وەسێتى بۆ حەوت (7) كەس كردووە لە شوێن كەوتوانى، لەوانە: (عبدالوهاب)ى كوڕى و(یزیدى كوڕى فندیك)، ئینجا لە دواى مردنى عبدالرحمن ى كوڕى ڕۆستەم بەیعەت درا بە عبدالوهاب ى كوڕى عبدالرحمن ى كوڕى ڕۆستەم، بۆیە لە ئەنجامى ئەمەدا شوێن كەوتوانى عبدالرحمن ى كوڕى ڕۆستەم بوون بە دووكۆمەڵەوە:
كۆمەڵى یەكەم:پێیان دەوترا (وەهابی یەكان) وەكو نیسبەتێك خۆیان دایە پاڵ عبدالوهاب ى كوڕى عبدالرحمن ى كوڕى ڕۆستەم.
كۆمەڵى دووەم: پێیان دەوترا (نەكارىیەكان).
جا لە نێوان ئەم دووكۆمەڵەیەدا شەڕو پێكدادانێكى زۆر ڕووى دا تاوەكو لە كۆتایدا نەكارىیىكان لەناو دەچن و نامێنن و وەهابی یەكان سەردەكەون بە سەر نەكارىیەكاندا.
وە دەربارەى مردنى عبدالوهاب ىكوڕى عبدالرحمن ى كوڕى ڕۆستەم دوو بۆچون هەیەیەكێكیان دەڵێت:لەساڵى (190)ى كۆچى، كۆچى دوایى كردووە،وە ئەوەى تریان دەڵێت ساڵى (197) كۆچى مردووە، وە ئەوەى شایانى باسە ئەم وەهابی یانە دەستكارى یەكى زۆى شەریعەتیان كردو زۆریان لێى گۆڕی و حەج كردنى ماڵى خوایان سڕی یەوە، ئەم كارانەیان واى كرد لە زانایانى ئەو سەردەمە، كەوا حوكمێكى توند و تیژ و بە حەق دەربارەیان دەر بكەن،و فەتوای لەدین دەرچون وكافربونیان بدەن، لەوانە: موفتى ئەندەلوس وباكورى ئەفریقیا شێخ (علی بن محمد اللخمی) كەفەرمووى:(وەهابىیەكان كۆمەڵێكى خەوارجى گومڕاى كافرن).
جا لێرەدا لە چەند ڕوویەكەوە بۆمان ڕوون دەبێتەوە كەوا دامەزرێنەرى كۆمەڵى گومڕاى وەهابى (عبدالوهاب ى كوڕى عبدالرحمن ى كوڕى ڕۆستەمە) نەك محمدى كوڕى عبدالوهاب) ئەمەیش بەم شێوەیەى خوارەوە.
موفتى ووڵاتى مەغریب فەتواكەى دەربارەى عبدالوهاب ى كوڕى عبدالرحمن ى كوڕى ڕۆستەمە نەك محمدى كوڕى عبدالوهاب، ئەمەیش بەوە دەردەكەوێ چونكە شێخ لەخمى موفتى لە ساڵى (478) ى كۆچى، كۆچى دوایى كردووە،وەهەروەها احمدى وەنشریسی لە كتێبەكەیدا كەوا ئەم فەتوایەی شێخ لەخمى موفتى نەقڵ كردووە لە ساڵى (914) ى كۆچى مردووە، جا ئێمە ووتمان ئیمامى محمدى كوڕى عبدالوهاب لە ساڵى (1115) كۆچى لەدایك بووە لەساڵى (1206)ىكۆچى، كۆچى دواى كردووە بۆیە(292) ساڵ لە نێوان وەنشریسى (خاوەنى كتێب) و (ئیمام محمدى كوڕى عبدالوهاب)دایە!!!!!، وە لە نێوانی ئیمام و موفتى (728) ساڵە!!!!! واتە/ كاتێك ئەم فەتوایە دراوە و نوسراوەتەوە هێشتا ئیمام محمدى كوڕى عبدالوهاب نەهاتبووە دونیاوە بگرە باپیرەى (22)ەمى لەدایك نەبووبوو.
وەلە نێوانى مردنى عبدالوهاب ى كوڕی عبدالرحمن ى كوری رۆستەم و مردنى ئیمام محمدى كوڕى عبدالوهاب نزیكەى (31) باپیرى ئیمام هێشتا نەهاتبوونە دونیاوە، جا هەر كەسێك شوێن كەووتەى حەق بێت ئەوا دەتوانێت بزانێت وەهابی چین و كێن(**). بەڵام ئەو كەسانەى ناوى وەهابى دەخەنە سەر كەسانێك كەوا لە گەڵ حەزوو ئارەزووەكانیان ناگوونجێن ئەوا با زۆر چاك بزانن كەوا لەم خاڵەیان دا هاودەنگن لەگەڵ دوژمنانى خواو پێغەمبەر(صلى الله عليه وسلم) چونكە كاتێك ناوى وەهابى لە سەر بانگەوازەكەى ئیمام محمدى كوڕی عبدالوهاب دانرا كەزانیان سەركەوتنى بەدواوەیە، وە زانیان كەئەمە ڕێگاڕاستەكەى ئیسلامە، جا بێباوەڕان و كافران كاتێك ویستیان ئەم بانگەوازە سەرنەگرێت و ئامانجەكانى خۆیان بپێكن هەستان بانگەوازى ئیمامیان لە كەدار كرد بەهۆى ئەم ووشەیەوە (وەهابی) ! ئەمەیش لە بەر ئەوە بوو چونكە وەهابىیەكان(شوێن كەوتەكانى عبدالوهابى كوڕی عبدالرحمن ى كوڕى ڕۆستەم)سوپاس بۆ خوالە ناو موسڵماناندا ناحەزو ناشیرین بوون، بگرە گومڕا و كافر بوون بە گوێرەى فەتواكەى شێخى لەخمى(ڕەحمەتى خواى لێ بێت)، چونكە حەجیان قەدەغە كردبوو.
جا بە هەمان شێوە لەم سەردەمەى ئێمەیشدا دیسانەوە كەسانێك هەن دەیانەوێت ناوى ئەهلى سوننەت و جەماعەت (شوێن كەوتوانى سەلەف) بزڕێنن وناشیرینیان بكەن!
جا ئەوانەى ئەیانەوێ ناوى شوێن كەوتوانى سەلەفى ساڵح بزڕێنن لە پێش چاوى خەڵكى زۆر جۆریان هەیە: تیایاندا هەیە زۆر بێشەرمانەو لەخوا نەترسانە قسەى ناڕێك و وناشیرین بە زانا بەرزەكانى ئەهلى سوننەت وجەماعەت دەكەن وپێیان دەڵێن زانایانى حەیز و ئینفاس و بەس ! تیایانداهەیە پێیان دەڵێن مورجئە …………. هتد
دیارە ئەم هەموو ناوو ناتۆرانەیش تەنها لە بەر ئەوەیەكە شوێن كەوتوانى ئەهلى سوننەت و جەماعەت ناچنە سەر بیر و بۆچونە بیدعی یەكانى ئەوان.
وەبۆ زیاتر ڕون كردنەوەى بانگەوازى ئیمام محەمەدى كوڕى عبد الوهاب ئەم چەند خاڵە دەنوسین:
1-بانگەوازى ئیمام حیزبێك نەبوو تاوەكو ڕێكخستنێكى حیزبایەتى هەبێت، بەڵكو زیندوو كردنەوەیەك بوو بۆ دینى خوا لە سەر هەنگاوەكانى پێغەمبەر(صلى الله عليه وسلم) و هاوەڵە بەڕێزەكانى.
وە هەر وەها مەزهەبێكى تازەیشى نی یە كەوا هەڵگڕانى پێچەوانەى مەزهەبەكانى تری پێ بكەن.
ئیمام لە عەقیدەدا سەلەفى بووە، حاڵیشى وەكو حاڵى هەموو بانگەواز كارێكى سەلەفى بووە لە هەموو كات و شوێنێكدا،وەبانگەوازى بۆ تەوحیدی خواى گەورە كردووە بەدڵسۆزى عیبادەت بە تەنها بۆخوا.
بەڵام مەزهەبى فیقهى ئیمام لەسەر مەزهەبى ئیمامى احمدى كوڕى حەنبەل بووە، هەر وەكو چۆن حەنەفى هەیەعەقیدەى سەلەفی یە،وەشافیعى هەیە عەقیدەى سەلەفی یە، وە مالیكى هەیە عەقیدەى سەلەفی یە.
جالە كۆتایدا داواكارم لە پەروەردگار لە سەر ڕێبازى پێغەمبەران بەردەوامیمان پێ ببەخشێت و لە گوناە و تاوانەكانمان خۆش بێت. امین
وصلى الله تعالى على نبينا محمد وعلى آله وصحبه وسلم ومن تبعهم باحسان الى يوم الدين.
==========================​==
[سەرچاوەكان]
1- صحيح مسلم بشرح النووي ط دار الكتب العلمية بيروت.
2- كيف نعالج واقعنا الأليم جمع واعداد / أبو انس علي بن حسين أبو لوز الطبعة الاولى.
3- تصحيح خطأ تاريخي حول الوهابية د/ محمد بن سعد الشويعر الطبعة الثالثة 1419 هــــ .
4- الفرقة الناجية للشيخ محمد بن جميل زينو طبعة مكتبة الغرباء.
5- الامام محمد بن عبدالوهاب دعوته وسيرته/ الامام ابن باز.
6- فتح المجيد للشيخ عبدالرحمن بن حسن آل الشيخ.
7- التعليقات على كشف الشبهات ل (طلعت مرزوق) دار الايمان للنشر والتوزيع.
8- دعوة الشيخ محمد بن عبدالوهاب للشيخ محمد بن جميل زينو حفظه لله تعالى الطبعة الاولى دار ابن خزيمة.
==========================​====
(*) یەكخوا پەرستى(توحید) واتە/ بە تاك زانینى خواى پەروەردگار لە هەر سێ جۆرەكانى یەكخواپەرستى كە لە خوارەوە باسیان دەكەین:.
أ-(توحيد الربوبية) یەكخواپەرستی لە پەروەردگارێتى خواى گەورەدا/ بریتى یە لەو تەوحیدەى كەوا باوەڕِت وا بێت خواى پەروەردگار بە تەنها دروست كەرە و بە تەنها ڕۆزى دەرە و مردن و ژیانیش هەر بە دەست ئەوە،وە هیچ هاوبەشێكى نىیە،وە ئەم تەوحیدەیش هاوبەش بڕیاردەرانى كاتى پێغەمبەر(صلى الله عليه وسلم) باوەڕیان پێى هەبوو، بەڵام بە تەنها باوەڕهێنانیان بەم تەوحیدە نەیانى كردە ناو بازنەى ئیسلامەوە و بەموسڵمان نەژمێردران.
ب- (توحید الالوهیە) یەكخواپەرستى لەپەرستنى خواى گەورەدا/ بریتىیە لەوتەوحیدەى كە هەموو پەرستنەكان بە تەنهابۆ خواى پەروەردگار ئەنجام بدەیت وەهیچ هاوبەشێكى بۆ دانەنێیت لەپەرستنىدا، وەئەم تەوحیدەبوو كەوا هاوبەش بڕیاردەرانى كاتى پێغەمبەر(صلى الله عليه وسلم)دانیان پێدا نەدەنا،وە لە دێر زەمانەوە شەڕو بەربەرەكانێى لەسەڕ ڕووداوە.
ج-(توحيد الاسماء والصفات) یەكخواپەرستى ناوو سیفاتەكانى پەروەردگار/ بریتىیە لەوەى كەوا ئیمان بهێنین بەو ناوو سیفاتانەى خواى پەروەردگار هەر وەكو چۆن لە قورئان و فەرموودە صەحیحەكاندا هاتووە، بە بێ ئەوەى مانا ڕاستى یەكانیان بگۆڕین بۆ واتایەكى بەتاڵ و هەڵە،
وە بە بێ ئینكارى كردنى هیچ كام لەو ناوو سیفاتانە بەگوێرەى ئارەزوى خۆمان،وە هەروەها بێ ئەوەى هیچ چۆنێتی یەكیان بۆ دابنێین بە مێشكى خۆمان، وە هەروەها هیچ كام لەو ناوو سیفاتانەى خواى پەروەردگارناشوبهێنین بەدروست كراوەكانى پەروەردگار لەڕووى لێك چونەوە،وە لێكدانەوەى ناووسیفاتەكانى پەروەردگار لە ڕووى چۆنێتىیەوە دەگەرێنینەوە بۆلاى خواى پەروەردگار، بەڵام لە ڕووى واتاوە دیارن. والله تعالى اعلم (الفرقة الناجية للشيخ محمد بن جميل زينو)
(**) بە تێر و تەسەلى لە كتێبى (تصحيح خطأ تاريخي حول الوهابية) باسى ئەم بابەتە دەكات، وە ئێمەیش ئەم بابەتانەى ئیماممان لەم كتێبەوە وەرگرتووە.[/size]