[center]
zagrostv
دیزاینەرێکی فەڕەنسی ماکینەیەکی جلشووری پێشکەوتووی دروست کردووە کە دەتوانێت وەرچەرخانێکی گەورە لە شووشتنی جلوبەرگەکان بهێنێتە دی و ئەو پڕۆسەیە خێراتر و چڕتر و ژینگەییتر بکات.

ئەو ماکینە نوێیە ناوی (orbit)ـە و لوولکێکی گۆشکڵی هەیە و، بە بێدەنگی و لە ماوەی چەند خۆلەکدا جلەکان بە سەهۆڵ دەشوات.

لەو ئامێرەدا ئاڵقەیەکی پڕ لە پاتری هەیە کە بۆ سەرئاوخستنی ساباتی شووشەیی و کانزایی جلەکان بەکاردێت. لە ناوەوەی ئەو فەزا گۆشکڵە شووشەییە کە ناشکێت، سەهۆڵی وشک کە شێوەی ڕەقی دووانە ئۆکسایدی کاربۆنە دەبێتە گاز و بە گۆشارێکی زۆرەوە بەرەو جلە پیسەکان فڕێ دەدرێت.

(دووانە ئۆکسایدی کاربۆن) لە ڕێگەی ماکە کانزاییەکانەوە لەنێو جلوبەرگەکان کاردانەوەی کیمیاوی ئەنجام دەدات و زۆر بە خێرایی پیساییەکان شی دەکاتەوە.

پاشان ماددە پیسەکان بۆ ناو لوولەیەک ڕادەکێشرن کە کاری فیلتەر ئەنجام دەدات و، (دووانە ئۆکسایدی کاربۆن)ـیش بۆ سەرەوە ڕادەکێشرێت و دووبارە ڕەق دەبێت.

(ئێلی ئاهۆی) قوتابی قۆناغی چوارەمی دیزاینی زانکۆی نێودەوڵەتیی (دیزاینی واڵنسین) پێی وایە کارکردی ئەو ماکینە جلشۆرە وەک سیستەمێکی داخراوی سەربەخۆیە.

(دووانە ئۆکسایدی کاربۆن) پێویستیی بە بریت نییە و پاترییەکانی نێو ئاڵقەکە وزەی پێویستی خۆیان لەو لوولکە وەردەگرن کە خەریکی سووڕانەوەیە. بەو شێوەیە (ئۆربیت) تەنانەت پێویستیی بە وزەی کارەبایش نییە.

بە پێی ڕاپۆرتی (دەیلی مەیل)ـەوە بەڵام هێشتا گرفتی تەکنیکی لەبەردەم بەرهەمهێنانی پێشەسازیی ئەو ئامێرەدا هەیە کە لەوانە دەتوانین ئاماژە بە ڕەقکردنەوەی دووبارەی (دووانە ئۆکسایدی کاربۆن) بکەین کە پێویستیی بە وزەیەکی زۆر بەرزەوە هەیە.

[/center]