[center]
kurdsat.tv
ھونەرمەند تەنیا کەریم، دەرھێنەری پرۆژەی ھونەریی فیلمی کچەکەی کافرۆش لە لێدوانێکی دا بۆ کوردستانی نوێ رایگەیاند: لەگەڵ ھونەرمەندی گەورەی کورد ھۆمەر دزەیی رێککەوتوون، کە دوو گۆرانی بەدەنگی ئەو ھونەرمەندە بۆ فیلمی سینەمایی کیژەکەی کافرۆش بوترێت.
تەنیا کەریمی دەرھێنەر زیاتر وتی: ھونەرمەند ھۆمەر دزەیی رەزامەندی نیشانداوە کە دوو گۆرانی بەزمانی کوردی و ئینگلیزی بە ڕیتمی رۆژئاوایی و رۆژھەڵاتی بۆ فیلمی کیژەکەی کافرۆش بڵێت. ھاوکات وتیشی بۆ تێکستی گۆرانییەکانیش پەیوەندیم بەشاعیری گەورە عەبدوڵڵا پەشێوەوە کردووە، ئەویش لای خۆیەوە پشتگیریی خۆی دەربڕیوە کە ھاوکاربێت‌و ھەوڵبدات بۆ نووسینی تێسکستی ئەو گۆرانیانە.
فیلمی کیژەکەی کافرۆش پرۆژەیەکی ھونەریی ھونەرمەند تەنیا کەریمە بۆ فیلمێکی سینمایی درێژی مێژوویی، لەئێستادا کارەکانی سیناریۆو دەرھێنان‌و ئامادەکاریی بۆ فیلمەکە تەواوبووەو لە ماوەی داھاتوودا دەستدەکرێـت بەوێنەگرتنی کە شوێنی وێنەگرتن‌و گرتەکان لە ھەولێرو ھەورامان‌و رۆژھەڵاتی کوردستان‌و بریتانیا دەبێت.

[/center]