[size=16]خۆشه‌ویسته‌ تاقانه‌كه‌م
فیدات بێ ڕۆح و گیانه‌كه‌م
جارێ بڵێ خۆشمه‌وێی
سه‌د جار ئه‌یڵێم باوانه‌كه‌م

خۆشه‌ویستیت پێناسه‌مه‌
وشه‌كانت هه‌ناسه‌مه‌
ساتێك تۆ له‌ خه‌یاڵما بیت
كه‌ی خه‌یاڵم له‌لای خه‌مــه‌؟

خۆشه‌ویستم هیوای ژینم
كه‌ی له‌پاڵ خۆمدا بتبینم؟!
گه‌ر خۆت نه‌بیت به‌ به‌هارم
من وه‌رزێكی پڕ وه‌رینـــــــــم

خۆشه‌ویستم جوانه‌ی جوانم
ئه‌ی ڕۆشنایی شه‌وه‌كانم
مه‌ڵێ بێ من به‌ باشتری
چونكه‌ ئه‌مرم و ناتوانم

تۆی مایه‌ی ڕۆژه‌ خۆشه‌كان
با بۆ تۆ بێت گشت ڕۆژه‌كان
چیم كردوه‌ له‌ پێناو تۆیه‌
بێجگه‌ له‌ ڕۆژو و نوێژه‌كــــان

زامدار[/size]