پاش ئه‌وه‌ی یانه‌ی به‌رشه‌لۆنه‌ی ئیسپانی نه‌یتوانی بگاته‌ یاری كۆتایی خولی یانه‌پاڵه‌وانه‌كانی ئه‌وروپا،
ئه‌مشه‌ویش ریاڵمه‌دریدی هاونیشتانی به‌هه‌مان ده‌رد چوو، پاش ئه‌وه‌ی له‌سه‌ر یاریگای سه‌نتیاگۆ بێرنابیۆی
تایبه‌ت به‌خۆی‌و له‌یاری گه‌رانه‌وه‌ی پێش كۆتایی میوانداری بایرن میونخی ئه‌ڵمانی كردو بایرن میونخ
به‌لێدانی یه‌كلاكه‌ره‌وه‌و به‌ئه‌نجامی (2-1) یاریه‌كه‌ی برده‌وه‌.

یانه‌ی ریاڵمه‌درید توانی له‌یاریه‌كه‌دا سه‌ركه‌وتوو بێت‌و یاریه‌كه‌ به‌ئه‌نجامی (2-1)
له‌به‌رژه‌وه‌ندی خۆی كۆتایی پێبهێنێت، به‌ڵام به‌هۆی ئه‌وه‌ی كه‌ بایرن میونخ به‌هه‌مان ئه‌نجام یاری چونی بردبویه‌وه‌،
بۆیه‌ هه‌ردوولا په‌نایان برده‌وه‌ به‌ركاتی زیاد كراو،
به‌ڵام سه‌ركه‌وتوو نه‌بوون له‌ یه‌كلایی كردنه‌وه‌ی ئه‌نجامه‌كه‌ بۆیه‌ له‌رێگه‌ی لێدانی یه‌كلاكه‌ره‌وه‌
بایرن میونخ به‌ئه‌نجامی (2-1) یاریه‌كه‌ی برده‌وه‌و گه‌یشته‌ یاری كۆتایی بۆ روبه‌روبونه‌وه‌ی یانه‌ی چڵسی.

شایانی باسه‌ هه‌ریه‌كه‌ له‌رۆناڵدۆ‌و كاكا‌و رامۆس نه‌یانتوانی به‌لێدانی سزا گۆڵ بكه‌ن،
له‌به‌رامبه‌ردا هه‌ریه‌كه‌ له‌ تۆنی كروزو لام بۆیانه‌ی بایرن گۆڵیان تۆمار نه‌كرد.

kurdiu