[center] ئیعجازی زانستی ... مێروله‌و سه‌لماندنێکی زانستی
خه‌باب پێنجوێنی

(حَتَّى إِذَا أَتَوْا عَلَى وَادِي النَّمْلِ قَالَتْ نَمْلَةٌ يَا أَيُّهَا النَّمْلُ ادْخُلُوا مَسَاكِنَكُمْ لَا يَحْطِمَنَّكُمْ سُلَيْمَانُ وَجُنُودُهُ وَهُمْ لَا يَشْعُرُونَ) (سورة: النمل, آية: 18)
له‌م دواییه‌دا توێژینه‌وه‌یه‌كى زانستى له‌ وولاَته‌ یه‌كگرتووه‌كانى ئه‌مریكا چه‌ند رِاستى یه‌كی قورئانیان له‌سه‌ر مێرووله‌ ده‌رخست كه‌ به‌ر له‌ نزیكه‌ى (1420) ساڵ خوداى گه‌وره‌مان له‌ قورئاندا باسى كردووه‌ له‌ چیرۆكى پێغه‌مبه‌ر سوله‌یماندا(علیه‌ السلام) ، كاتێك سوپاكه‌ى پێغه‌مبه‌ر سوله‌یمان (علیه‌ السلام) به‌ شوێنێكدا رِه‌ت ده‌بێت و له‌ سه‌ر رِێگایان شانه‌یه‌كى مێروستان هه‌یه‌ ، یه‌كێك له‌ مێرووله‌كان داوا له‌ هه‌موو مێرووله‌كانى تر ده‌كات بێنه‌وه‌ ناو شانه‌كه‌و بگه‌رِێنه‌وه‌ ژووره‌وه‌ له‌ترسى ئه‌وه‌ى نه‌وه‌كو سوپاكه‌ى پێغه‌مبه‌ر سوله‌یمان (علیه‌ السلام) به‌سه‌ریان بكه‌ون و
له‌ناویان ببه‌ن . رِوونیشه‌ كه‌ پێغه‌مبه‌ر سوله‌یمان( علیه‌ السلام) گفتوگۆى له‌گه‌ڵ هه‌موو باڵنده‌ و گیاندارێك ده‌كرد و گوىَ بیستى قسه‌كانى ئه‌وانیش ده‌بوو. جا لێره‌دا چه‌ند رِاستى یه‌ك ده‌رده‌كه‌ون و ده‌سه‌لاَت و تواناى رِه‌هاى خوایى زانستى سه‌رده‌م چۆكى له‌به‌ر ده‌دات و سوژده‌ى بۆ ده‌بات :
1-قورئان ( سىَ) جار ووشه‌ى مێروستانى ( نمل) به‌كارهێناوه‌. وه‌ك ئه‌وه‌ى پێمان بڵێت مێرووله‌كان ئه‌گه‌ر ملێوَنان جۆر و رِه‌نگ و زمانیش بن ته‌نها ( سىَ ) پۆست و پله‌یان هه‌یه‌ له‌ ناوه‌وه‌ى خۆیاندا ، كه‌ ئه‌ویش ( 3*3*3=27) ، ژماره‌ى ته‌سه‌لسولى سوره‌ته‌ قورئانیه‌كه‌یه‌ كه‌ باسى مێرووله‌ى تێدا ده‌كات سوره‌تى نمل .
2-له‌و توێژینه‌وه‌یه‌دا ئه‌وه‌ ده‌ركه‌وتووه‌ كه‌ جیهازى ئه‌منى له‌ وولاَت و فه‌رهه‌نگى ئه‌واندا ( مێینه‌) لێى به‌رپرسه‌ ، وه‌ك بڵێی وه‌زیرى ناوخۆ ( مێینه‌ ) بێت ، بۆیه‌ قورئان له‌سه‌ر زارى مێروله‌یه‌كى مێینه‌وه‌ فه‌رموویه‌تى ( وقالت نمله‌ .....).
3-قورئان ووشه‌ى ( لايحطمنكم) ى به‌كارهێناوه‌ به‌واتاى ( نه‌وه‌ك بتانشكێنن ) نه‌وه‌ك ( لایقتلنكم _ بتانكوژن ) توێژینه‌وه‌كه‌ ئه‌وه‌ى ده‌رخستووه‌ كه‌ لاشه‌ى مێرووله‌ هه‌ر جۆره‌ به‌ركه‌وتنێكى ده‌ره‌كى به‌ر بكه‌وێت یه‌كسه‌ر ده‌شكێت ، واته‌ وه‌ك لاشه‌ى گیاندارانى تر نه‌رمى نیه‌و توێژى سه‌ره‌وه‌ى لاشه‌ى توێژێكى ئێسقانیه‌ و له‌گه‌ڵ هه‌ر به‌ركه‌وتنێك ده‌شكێت.
ئه‌مانه‌و سه‌دان موعجیزه‌ى تر و هه‌زاران ساڵى تریش ژیان به‌رده‌وام بێت ئیعجازه‌ قورئانیه‌كان هه‌ر ته‌واو نابن ..

ئا : هاوكار محمد

regayrasty
[/center]