[center]مەدرید ٥-١ دیپۆرتیڤۆ : ڕۆناڵدۆ هاتریکی کرد ، کاکا یاری کرد ، یەکەم پێنجینە بۆ ڕیاڵ[/center]

[center]ئەمشەو لە درێژەی یارییەکانی  هەفتەی شەشەمی لالیگا یانەی ڕیاڵ مەدرید میوانداری یانەی دیپۆرتیڤۆ لاکۆرونای کرد.

پاش بردنەوە سەرسوڕهێنەرەکەی بەرشلۆنە لە سیڤیلیا و بەرزبوونەوەی جیاوازییەکە بۆ ١١ خاڵ ، لۆس بلانکۆس هیچ چارێکی نەبوو جگە لەوەی ئەم یارییە لە بەرژەوەندی خۆی بەکۆتا بهێنێت، مەدرید بە ئاستێکی زۆر بەرزەوە دەرکەوت و  توانی یارییەکە بە ئەنجامێکی گەورە بباتەوە.

هەرچەندە یانەی میوان لە ڕیگای یاریزانی بە ئەزموونی یانەکەی ڕیکی لە خولەکی ١٦ گۆڵی پێشکەوتنی تۆمارکرد بەڵام هێندەی نەبرد ڕۆناڵدۆ لە ٢٣ لە ڕیگای لێدانی سزا ئەنجامەکەی یەکسانکردەوە. دواتر لە خولەکی ٣٨  لە پاسێکی مۆدریچ دا   ئەنخل دی ماریا بە گۆڵێکی جوان مەدریدی بە گۆڵێک پێشخست. نیوەی یەکەم بەو ئەنجامە بەکۆتا نەهات  و ڕۆناڵدۆ بە سەرێکی جوان گۆڵی سێهەمی لە ٤٤ هێنا.

دواتر لە سەرەتای نیوەی دووەمدا  خۆزێ مۆرینهۆ بەڵێنەکەی بردەسەر و ڕیکاردۆ کاکای لەجێگای ئۆزیل هێنایە ناو یاریگا. ئەنجامەکە بەو شێوەیە مایەوە تاوەکو   پیپێی بەرگریکار لە تۆپێکی چابی ئەلۆنزۆ لە خولەکی ٦٦ چوارەمی بۆ خاوەن ماڵ هێنا.   ڕۆناڵدۆی ئەستێرەش  بە لێدانێکی سزای دیکە گۆڵی پێنجەم و هاتریکی خۆی لە ٨٤ هێنا. بەو سێ گۆلە ڕؤناڵدۆ گۆڵەکانی هاوشێوەی مێسی لێکرد و هەریەکەیان خاوەنی شەش گۆڵن بەڵام گۆڵکاری خولەکە فاڵکاوی کۆڵۆمبییە بە ٧ گۆڵ.[/center]
[center][/center]

[center][/center]

[center][/center]

[center]YARIGA[/center]