لە ڕۆژگارێکدا.. پیاوێک لە گوندێکدا ژیانی بەسەر دەبرد کورێکی گەنجی هەبوو، خاون هەسپێک بوون.
ڕۆژێک هەسپەکەی ڕۆیشت و نەگەڕایەوە! .. خەلکی گوندەکەی چونە لای پیاوەکە بۆ بەشداربوون لە دڵتەنگیەکەی و بە پیاوەکەیان دەگووت: تۆ زۆر بێ بەختی لە گوند تەنها هەسپەکەی تۆ ڕۆیشتووە!
پیاوەکەش لە وەڵامدا گوتی: کێ دەڵێ من بێ بەختم، لەوانەیە بە بەخت بم!
دوای چەند ڕۆژێک هەسپەکە گەڕایەوە و چەند هەسپێکی تریشی لەگەل خۆی هێنابوو!
ئەمجارە خەلکی گوند چونە لای پیاوەکە و دەیان گووت: تۆ زۆر بە بەختی!
پیاوەکەش لە وەڵامدا گوتی: کێ دەڵێ من بە بەختم، لەوانەیە بێ بەخت بم!
چەند ڕۆژێک بەسەر چوون، کورە گەنجەکەی ئەو پیاوە لە یەکێک لە هەسپە نوێیەکان سوار دەبێت و هەسپەکە بە خێرای دەڕوات و کورە گەنجەکە لەسەری بەردەبێتەوە و قاچی دەشکێت!
بە هەمان شێوەی پێشتر، خەلکی گوند چونەوە لای پیاوەکە بۆ بەشدار بوون لە دڵتەنگیەکەی و دیسان گووتیان: تۆ زۆر بێ بەختی!
پیاوەکەش هەمان وەڵامی خۆی دایەوە و گووتی: کێ دەڵێ من بێ بەختم، لەوانەیە بە بەخت بم!
پاش ماوەیەک لەو وڵاتەدا شەڕێک درووست دەبێت لەگەڵ وڵاتێکی تر. باروودۆخ ئالۆز دەبێت و دەوڵەت دەلێت هەموو گەنجێک پێویستە بێن چەک هەڵگرن و شەر بکەن، بەڵام کورە گەنجەکەی ئەو پیاوە ئەو ئەرکەیان پێ نەسپارد چونکە قاچی شکا بوو توانای بەشدار بوونی نەبوو دەوڵەت ئەوی نەبرد بۆ شەر. بەمەش دەرفەتی ژیانی بۆ گەڕایەوە چونکە لەوانەیە لە شەر کوژرابووا..
ئەمجارە خەلکی چی دەڵێن؟!!