گوێم بۆ ڕادێرە.. بەس تەنها ئەم شەو
لە دوو دیدەی من.. میوان نابێ خەو
بەس تەنها ئەمشەو.. تۆ میوانم بە
هەڵگری نازی.. هەست و سۆزم بە
ڕایژێنە تاوێ.. بێشکەی دڵی من
دامرێنەوە.. کوڵی گریەی من
تۆ بووی هاودێری باخی دەروونم
ئیلهامی شیعری بەستەی ئەوینم
چۆن دەستت تێی چوو.. ئەو باخە جوانە
وا پێشێلی کەی.. بێ بەزەییانە
ئەم شازەمینە.. ڕویدا بەرەو کوێ
ئاهی عەشقی من.. ئۆباڵی بە کێ
بێ سۆراخ و شێت.. وا سەسرەڕۆم
بووم بە هەڵگری.. بارگەی خەمی تۆ
چۆن دڵت توانی.. دڵم بشکێنێ
داستانی شیعرم.. هەرەس پێبێنێ
عیشقت هەتا سەر.. لە دڵم دەرناچێ
بێ وەفایی تۆم.. هەر لە یاد ناچێ
[youtube]http://www.youtube.com/watch?v=1CwAo1YFkfU
[/youtube]