سین: فه‌رق چییه‌ له‌به‌ینی پاریس‌و سلێمانیدا
صاد: له‌پاریس ئه‌گه‌ر یه‌كێك بمرێ خه‌فه‌تی بۆ ئه‌خۆن.
سین: ئه‌ی‌ له‌سلێمانی؟.
صاد: له‌سلێمانی ئه‌گه‌ر یه‌كێك بمرێ، ئه‌ڵێن شكور نه‌جاتی بوو
سین: مژده‌م به‌رێ مژده‌م به‌رێ.
صاد: چی‌ بووه‌؟ ئاده‌ی؟.
سین: یه‌ك دنیا نه‌وتی تریان له‌كوردستانا دۆزییه‌وه‌.. ده‌ی مژده‌م به‌رێ.
صاد: مژده‌ی چیت به‌مێ رۆڵه‌؟! خۆ من زاواكه‌ی ئه‌ردۆغان نیم..
سین: توخوا عه‌یب نییه‌ بۆ تۆ له‌سه‌ر قوربانییه‌كانی نه‌وه‌ی رابردوو ئه‌ژیت؟.
صاد: ئه‌ی‌ به‌ڕه‌ئی‌ تۆ له‌سه‌ر چی‌ بژیم باشه‌؟.
سین: له‌سه‌ر نه‌وتی نه‌وه‌كانی داهاتوو.
سین: عیلم ئیسپاتی كردووه‌ ئه‌ڵێ ئه‌وه‌ی ئیش نه‌كات زوو ئه‌مرێ.
صاد: وه‌ڵڵا ئه‌سڵ‌و ئه‌ساسی‌ نییه‌.. فه‌رموو ته‌ماشای‌ هین كه‌..
سین: ته‌ماشای‌ كێ؟.
صاد: ته‌ماشای‌ هه‌موومان.
سین: لای‌ تۆ موهیمترین وه‌زیر كێیه‌؟.
صاد: ئه‌وه‌ی كه‌ بتوانێ له‌ده‌رگای پێشه‌وه‌ بچێته‌ ئه‌نجوومه‌نی وه‌زیران.
د.شیركۆ عبدالله‌‌

لە سیخورمەمان دزیوە