ه‌سته‌ی گشتی گه‌شتوگوزاری هه‌رێمی كوردستان خستنه‌كاری ڕێبه‌ری ئه‌لیكترۆنی گه‌شتیاری هه‌رێمی راگه‌یاند كه‌بۆ هه‌ردوو سیستمه‌كانی كاركردنی مۆبایلی (Android, IOS)ده‌بێت. ئه‌و رێبه‌ره‌ به‌بێ ئینته‌رنێت كار ده‌كات و له‌دوای دابه‌زاندنی به‌رنامه‌كه‌ له‌رێی (Google Play) یان (App Store)ه‌وه‌ ده‌توانیت به‌ئاسانی به‌كاری بهێنیت، ئه‌و رێبه‌ره‌ ڕێگات بۆ داده‌نێت تا به‌باشترین شێوه‌ بتوانی گه‌شته‌كانت هه‌ڵبژێریت، رێبه‌ره‌كه‌ باشترین شوێنه‌ گه‌شتیارییه‌كانت بۆ دیاری ده‌كات له‌گه‌ڵ شوێنی مانه‌وه‌و حه‌وانه‌وه‌و گه‌ڕان (ماركێت، رێستۆرانت، هوتێل، بازاڕگه‌كان،كافێ). رێبه‌ره‌كه‌ هاوكاری گه‌شتیاران ده‌دات به‌ئاسانی ئه‌و شوێنه‌ دیاری بكات كه‌ده‌یه‌وێ گه‌شتی بۆ بكات.

ئه‌و رێبه‌ره‌ به‌زمانی عه‌ره‌بی و ئینگلیزییه‌ و  به‌ئاسانی كارده‌كات و به‌بێ به‌رامبه‌ریش نوێده‌بێته‌وه‌، هاوكات چه‌ندین تایبه‌تمه‌ندی تریشی هه‌یه‌ له‌وانه‌ دانانی گه‌شت بۆ گه‌شتیاران، ئاسانی گه‌ڕان به‌دوای شوێنه‌ گه‌شت و گوزارییه‌كان، كۆمێنت و هه‌ڵسه‌نگاندنی گه‌شتیار ده‌رباره‌ی شوێنه‌كان، نرخی دراوت پێ راده‌گه‌یه‌نێ، هاوكات له‌رێی رێبه‌ره‌كه‌وه‌ ده‌توانیت به‌شداری تۆره‌ كۆمه‌ڵایه‌تیه‌كان بكه‌یت و به‌و جۆره‌ ده‌توانێ ئه‌مانه‌ زیادبكات (وێنه‌ی شوێنه‌كان، هه‌ڵسه‌نگاندنی شوێنه‌كان، نوسینی كۆمێنت و بۆچوونه‌كان، زانیاری له‌سه‌ر هه‌ڵه‌كان، په‌یوه‌ندی كردن به‌ فه‌یسبووك، ناردنی ئیمه‌یل).

بۆ دابه‌زاندنی له‌رێی (Google Play)

https://play.google.com/store/apps/deta … 5ndWlkZSJd
سه‌ر چاوه‌ cnn