پرسیم له‌ سیبه‌ری ژینم وتم باوكه‌ ژیان چیه‌؟
وتی رۆله‌ ژیان ته‌نها هه‌ولدانه‌
سه‌ركه‌وتنه‌ پیشكه‌وتنه‌ له‌هه‌مانكاتیشدا ژیان
بۆهه‌نی كه‌س گه‌رمترین ئاگردانه‌[/

دواتریش پرسیم له‌دایه‌ وتم دایه‌ ژیان چیه‌؟
وتی كورم ژیان بۆكه‌سی بێ ئومێد وه‌كو شاخه‌
قه‌د ناتوانن پیای سه‌ركه‌ون بۆیه‌ هه‌رده‌م جێگای داخه‌
به‌لام بۆكه‌سی به‌ ئومید ژیان بۆن خۆشترین گول و
ژیان وه‌ك جوانترین باخه‌[/

له‌مامۆستای دینم پرسی ژیان چیه‌؟
وتی كورم ژیان تاقیكردنه‌وه‌یه‌
ئه‌وكه‌سه‌ی كه‌خواپه‌رست بی
هه‌ر ئه‌وتیایدا سه‌ركه‌وتوه‌و براوه‌یه‌
بۆیه‌كورم چاك بزانه‌ژیان وه‌كو خویندنگایه‌
هه‌رهه‌موومان قوتابین و
ته‌نها یه‌زدان مامۆستایه‌[/

له‌مامۆستای كوردیم برسی ژیان چیه‌؟
وتی لای كه‌سانی نه‌فام
ژیان وه‌كو رسته‌یه‌كه‌ قه‌د بۆیان شی ناكریته‌وه‌
به‌لام مرۆڤانی داناش
پیت به‌پیت و وشه‌كانی وه‌كو شیعر ده‌هۆننه‌وه‌[/

به‌مامۆستای بیركاریم وت ژیان چیه‌؟
ئه‌ویش وتی ژیان بۆ كه‌سانی رووخاو هاوكیشه‌ی شیكارنه‌كراوه‌
به‌لام بۆكه‌سی سه‌ركه‌وتووش به‌هیزترین سه‌لمینراوه‌
كه‌خۆی یاسا و ریساكانی بۆ داناوه‌[/

له‌مامۆستای وینه‌م پرسی ژیان چیه‌؟
وتی رۆله‌ ژیان به‌ته‌نها دووره‌نگه‌
یان تاریكه‌ یان زۆر رووناك و قه‌شه‌نگه‌
زۆررووناكه‌ بۆئه‌وكه‌سیه‌ی كۆششكه‌ره‌ و
تاریكیشه‌ بۆ ئینسانی كه‌ ده‌به‌نگه‌[/

پرسیم له‌مامۆستای وه‌رزش ژیان چیه‌ ؟
وتی ژین ته‌نها یاریه‌
كه‌هه‌ولده‌ر هیرشبه‌ره‌و
بی ئومیدیش ته‌نها پیشه‌ی به‌رگریه‌[/

بــروازاهیر