خەندان-
فرەین سێلاک مامۆستاییەکی مۆسیقایە، چیرۆکی ژیانی  ئەم مامۆستایە زۆر سەیرە دەتوانین بڵێین لەیەک کاتدا بەبەخت ترین و نەگبەت ترین پیاوی ئەم گۆی زەوییەیە.

- چیرۆکە سەیرەکانی ئەم کابرایە لەساڵی 1962 ەوە دەست پێدەکات، کاتێک لە ڕۆژێکی ساردی زستاندا بەسواری شەمەندەفەر لەشاری (ساریێڤۆ) بۆ شاری (دوبرۆڤنیک) گەشتی دەکرد، شەمەندەفەرەکە تێکشکاو کەوتە ڕووبارێکەوە و ١٧ سەرنشین مردن بەڵام مامۆستا تەنها دەستێکی شکا!

-هەر ساڵێک دوای ڕووداوی یەکەم واتە ساڵی1963 مامۆستا فرەین سێلاک سواری فرۆکە دەبێت و فرۆکەکە بە 20 کەسەوە دەکەوێتە خوارەوەو تێکدەشکێت سەرەنجام 19 کەسیان دەمرن ئەوکەسەیان کە دەمێنێتەوە بێگومان مامۆستایە بەڵام چۆن؟ کاتێک کە دەزانێت فڕۆکەکە دەکەوێتە خوارەوە دەرگاکەی دەکاتەوەو بەبێ پەرەشوت خۆی هەڵدەداتە خوارەوە ئەوەی سەیرە ئەوەیە کە فرەین دەکەوێتە سەر تۆپەڵێک لە پوش و پەڵاشی دروێنەکراو لەمەش ڕزگاری دەبێت.

- هەر سێ ساڵ پاش ئەوەو لە ساڵی 1966 دا ئەم جارە پاسێك لەسەر پردێک بەربوەوە بۆ ناو ڕوبارێک چوار سەرنشین مردن بەڵام ئەمجارەش  فرەین سەلامەت بوو تەنها کەمێک بڕاوی بچوکی هەبوو.

- روداوە سەیرەکانی فرەین سێلاک تەواو نەبوون، لەساڵی 1970 ئەمجارە بە ئۆتۆمبێلە تایبەتییەکەی خۆی گەشتی دەکرد لەناکاو گڕی گرت و فرەین پێشئەوەی تانکی بەنزینەکەی بتەقێتەوە خۆی هەڵدەداتە خوارەوە و  مەرگ فریای ناکەوێت.

- گەر وابزانیت نەگبەتییەکانی فرەین تەواو بوون ئەوا بە‌هەڵەدا دەچێت، بەڵام  بۆ ئەوەی لەکاتی بەڕێزت نەگرین هەوڵ دەدەین لە کورتیدا بیبڕینەوە.

- لەساڵی 1973 جارێکی تر ئۆتۆمبێلەکەی گڕیگرت و ئەمجارەش لەدەستی مەرگ هەڵهات، تەنها هەندێک بەشی جەستەی سوتا.

-  لەساڵی 1995 پاسێک لێیداو نەمرد.

- لەساڵی 1996 لە رێگایەکی سەخت دا بارهەڵگرێک بەرووی ئۆتۆمبێلەکەیدا هاتوو کەوتە شیوێکەوە، ئۆتۆمبێلەکەی تەقیەوە، بەڵام پێشئەوە خۆی هەڵدابووە خوارەوەو چڵە دارێک گرتبوویەوە ئەم جارەش مەرگ پێی نەوێرا.

- بەسەر هاتی خۆش دەستی پێکرد:
دوای ئەو هەموو نەگبەتییە لە ساڵی 2003 داو لەتەمەنی 72 ساڵیدا  فرەین بلیتێکی یانسیبی کڕی و بۆی دەرچوو، فرەین یەک ملیۆن دۆلاری بردەوە، بەمەش بووە پیاوێکی خۆشبەخت بۆ هەموو ژیانی.

ئەم ئەنیمەیشنەش خراپ نیە سەیری بکەیت:
[youtube]http://m.youtube.com/watch?v=dZyUWLW7kEI[/youtube]