لێژنه‌ی ئۆلۆمپی كوردستان كۆده‌بێته‌وه‌ و بریاری نوێ ده‌رده‌كات

به‌ئاماده‌بوونی سه‌رۆك و جێگر و ئه‌مینداری گشتی و ئه‌ندامانی تر له‌ده‌سته‌ی راپه‌راندن لیژنه‌ی ئۆلۆمپی هه‌رێمی كوردستان كۆبونه‌وه‌ی ژماره‌ 83 ی به‌رێوه‌برد ، دوایی تاو توێكردنی بارودۆخی ئێستای وه‌رزش له‌كوردستان و چه‌ند پرسێكی تر له‌باره‌ی لیژنه‌ی ئۆلۆمپی و یه‌كێتیه‌ وه‌رزشیه‌كان و نوێنه‌رایه‌تی شاره‌كان بریار له‌سه‌ر ئه‌م خالانه‌ی خواره‌وه‌ درا :

1- په‌سه‌ند كردنی كۆبونه‌وه‌ی پێشوو

2- راسپاردنی جێگری سه‌رۆكی لیژنه‌ی ئۆلۆمپی له‌گه‌ل ئه‌ندامانی تر له‌ده‌سته‌ی راپه‌راندن مه‌به‌ستی كۆبونه‌وه‌ له‌گه‌ل نوێنه‌رایه‌تی ئۆلۆمپی له‌پارێزگاكانی هه‌رێم تا بریار بدرێت له‌سه‌ر مانه‌وه‌ وه‌یان هه‌لپه‌سه‌ردنی لقی ئه‌و یه‌كێتیه‌ وه‌رزشیانه‌ی كه‌چالاكیان نیه‌ له‌شاره‌كان

3- ئاراسته‌كردنی نوسراوێك بۆ لیژنه‌ی ئۆلۆمپی عێراق سه‌باره‌ت به‌دواداچوون و روونكردنه‌وه‌ی پێویست له‌سه‌ر برینی بوودجه‌ی لیژنه‌ی ئۆلۆمپی كوردستان كه‌له‌سالی 2009 له‌لایه‌ن لیژنه‌ی ئۆلۆمپی عێراقیه‌وه‌ بردراوه‌

4- یه‌كێتیه‌ وه‌رزشیه‌كانی كوردستان سه‌رپشكن له‌چۆنیه‌تی خه‌رج كردنی كرێی ناوبژیوانان و سه‌رپه‌رشتیاران

5- سه‌ردانی كردنی شاندێكی لیژنه‌ی ئۆلۆمپی كوردستان رۆژی یه‌كشه‌مه‌ی داهاتوو به‌هه‌ماهه‌نگی له‌گه‌ل به‌رێوه‌به‌رایه‌تی گشتی وه‌رزش بۆ لای وه‌زیری رۆشنبیری و لاوان به‌مه‌به‌ستی پته‌وكردنی په‌یوه‌ندیه‌كان و به‌دواداچوونی كاره‌كان و پێشخستنی وه‌رزش و دابین كردنی بودجه‌ی پێویست

راگه‌یاندنی لیژنه‌ی ئۆلۆمپی هه‌رێمی كوردستان