ریكۆردێكی نوێ بۆ به‌رازیل .
كچه‌یاریزانه‌كه‌ی به‌رازیل بووه گۆڵكاری مێژووی جامی جیهـانی ئافره‌تان !
راپۆرت :سانی ناصیح:
دوای ئه‌وه‌ی جـامی جیهـانی ئافره‌تان كۆتایی هات كه هه‌ڵبژارده‌ی ئه‌مه‌ریكـا توانی جـامه‌كه به‌ده‌ست بهێنێت ، كچه‌ی یاریزان و كاپتنی هه‌ڵبژارده‌ی به‌رازیل " مارتا " توانی له‌م جامه دا ریكۆردێكی نوێ بۆ خۆی تۆمـار بكـات دوای تۆمـار كـردنی گۆڵێك به‌رامبه‌ر هه‌ڵبژارده‌ی ئافره‌تانی كۆریای باشور بوه گۆڵكـاری مێژووی جامی جیهـانی ئافره‌تـان كه خـاوه‌ن 15 گۆڵه .
كچه یاریزانی هه‌ڵبژارده‌ی به‌رازیل" مارتا " توانی له‌جـامی جیهـانی 2015 مێژوێك بۆخۆی تۆمـار بكـات كـاتێك به‌تۆمـار كـردنی گۆڵێك به‌رامبه‌ر هه‌ڵبژارده‌ی ئافره‌تانی كۆریای باشور به‌لێدانی سزا له‌خوله‌كی 53 . به‌م گۆڵه ڕیژه‌ی گۆڵه‌كـانی به‌رزكـرده‌وه بۆ 15 گۆڵ پیش ئه‌مـه‌ش كچه یاریزانی ئه‌ڵمـانی " برينز " به تۆمـار كـردنی 14 گۆڵ گۆڵكـاری میژووی جامی جیهـانی بوو .
ئافره‌تانی هه‌لبژارده‌ی به‌رازیل حه‌وت جـار به‌ژداری جامی جیهانیـان كـردووه بێ ئه‌وه‌ی ببیته پاڵه‌وان 80 گۆڵیـان تـۆمـار كـردووه له‌م سه‌رجه‌م پاڵه‌وانیه‌تیه‌كان دا ، له‌م ڕیژه گۆڵه‌ش دا كچه یاریزان مـارتا به‌كۆكـردنه‌وه‌ی 15 گۆڵ پێشه‌نگه .
ئه‌گه‌ربه‌راوردێك بكه‌ین له‌نێو ئه‌م دوو یاریزانه ( مـارتـا به‌رازیلی و بینزی ئه‌ڵمـانی )رێژه‌ی به‌ژدار بوونیان به‌م شێویه .
یاریزان مـارتا له چوار جـامی جیهـانی به‌ژداری كـردووه له سـاڵانی ( 2003 و 2007 و 2011 و 2015 ) ، 17 یاری كردووه 12 سه‌ركه‌تونی به‌ده‌ست هێنـاوه 2 جار به‌رامبه‌ر بووه ، له 3 یاری دۆراوه و 15 گۆڵی تۆمـار كـردووه ، 2كارتی زه‌ردی وه‌رگرتووه بێ ئه‌وه‌ی كارتی سور وه‌ربگرێت .
یاریزان برينز له‌گه‌ڵ هه‌ڵبژارده‌ی ئه‌لمـانیـا پێنج جار به‌ژداری جامی جیهـانی كردووه ( 1995 و 1999 و2003 و 2007 و 2011 ) ، 24 یاری كـردووه 18 سه‌ركه‌وتونی به‌ده‌ست هێنـاوه 3جار به‌رامبه‌ر بووه و 3 جار شكستی هێنـاوه ، 14 گۆڵی تۆمـار كـردووه و یه‌ك كارتی زه‌ردی وه‌رگرتووه بێ ئه‌وه‌ی كـارتی سور وه‌ربگرێت .
