[size=16]قاوە
ڕۆژێک هات بەسەرما و وتم بەسە بەسەرجوانی ئافرەتێکدا و بەخەیاڵی یەکێکیتردا هەڵ بدەم و بۆی بنوسم!
بەسی نییە ئەم درۆیە!؟ کە جوانی لە شێوەی ئافرەتێکدایە؟
بوو بەهەڵا و عاشقانیش گشت مانیان گرت!
وتیان تۆچیت تاسروشتمان بگۆڕیت و بمان خەیتە سەر ڕێ یەکی تر؟
ناچار ئەوانم جێهێشت بۆ وەسفی درۆی خۆیان ! وەک هەمیشە بۆ ئافرەتێک دەمرن تا پێی بگەن و بیکوژن!
کەوتمە سوتانی پەڕەی کۆن و لەوانەی تریش پەشێمان بووم!
بەدوی جوانی تردا گەڕام
بەدوی خەوی تردا گەڕام
بەدوو شتێکی تردا
نەم دەزانی چییە!
ئەوەندە نەبێ جیاواز لەوانی تر!
لەدەرگای مەعریفەم دا
مێشک پوچێک خاوەن ماڵ بوو!
چاووم بۆ بەلکۆنەکانی عەقڵ گێڕا
گشت پەنجەرەی داخراوو بوو!
هەموو شتێک هیچ بوو هیچ! هەر وەک دنیا بێ ماناوو بێ پێناسەبوو!
ئەوان بۆ جوانی شتێک دەمردن بوونی نی یە!
منیش بەدوو جوانی یەکدا دەگەڕام مانای نییە!
ئەوان لە نەبوونی بوونی بوونیاندا ون بوون و منیش بەدووی ناسنامەی بوونێکمدا وێڵ بووم!
لێک داترازاین ! جیابووینەوە
تاقەتی سڵاویشم نەما لە سێبەرەکان
حەوسەڵەی زەردەخەنەیەکی دروست کراویشم نەبوو بۆیان
نابینام و تروسکەیەوک بەدی دەکەم!!!!!!
ڕادەکەم و
سەرت لێدێ!؟
گەر بزانی...... قاچەکانم لەوێندەرێ (هەلوکێنە) بەدەست منداڵانی کوچەکەم!!!!
دوور لەوان
نزیک لەخۆم
لەخەیاڵما
دنیام گۆڕی!
هەموو شتێ!
خۆمم کردە(مێرولەیەک)ولەنێو درزی دیوارێکی ڕوخاوی ئەوێ و تیامابووم لە دەنکە گەنمێکی قەبە و هەرچەند دکەم بۆم سەرناخرێ! ئەوانیشم کردە(عەدەم)!چیرۆکیانم سڕی یەوەو بەباوەش تەرماکانیانم ناشت لەوێ!
بەکچێکم وت شیرینی!
کورێک خۆی کوشت لەداخا!
بە کچێکم وت جوانی
وتی میش خۆشم دەوێیت!
بەکچێکم وت خۆشم دەوێیت!
وتی من خوشکتم! وشەی وا چۆن لەدەمت دەردەچێت؟
لەشەرمانا کەڕ ولاڵ بووم!
زارم کلیلی تەوبەم لێدا و گوێکانیشم بوونە گۆڕێک! لە وشەی مردوو زیاتر زیندوویەکت نەدەدی لەوێ!
بە کوڕێکم وت شەو باش
وتی ها ها ها نیوەڕۆیە!
بەکورێکم وت ئەرێ چۆنی
وتی گەر مردن ڕاست بێ من زۆ باشم!
بەکوڕێکم وت بۆ ماتی؟
وتی بڕۆ! جوڵە لەمردوویەک داوا ناکرێ!
لەڕەش بینی خۆم بێزار بووم! خۆم دایە بەرتیشکی خۆرێک، تاتاریکی ئەم هزرەی من بەرێ بۆ خۆی
نەعلەت لەم کارە ئاڵۆزە!
لەم بیرکردنەوە سەیرە و لەم تێڕوانینە سەمەرەیە!
دنیایەکی گیرفان دڕاوو!
گەرەکی نییە پڕی کەیت لە خەیاڵی پڵاوو!
بەیانی یەک ......
وەک ڕۆژانم قاوەی تاڵم نەخواردەوە!
کوپێک شیری گەرم گەرمم هێناوو
دانیشتم بەدیاری یەوە
چاوەڕێی دەنگی دایکم بووم!
تا پێم بڵێ...................
ڕوڵە مەکتەب
دنیا وا نیوەڕۆیە
خۆر هەڵکشا بەرەو ئاسمان
نا غل بووەوە بەرەوو خوار!
شیر سارد سارد بوووەوەو
دەنگ هەر نەهات!
با دەنگێک هات؟
بەس دایکم نەبوو!
هەڵە نەبم دەنگی ئەوو بوو!
ئەوێک.....
هەموو تەمەن لەگەڵمایەو نازانم کێ یە!
ڕوحمی یس پیس کرد و نازانم بۆ؟
وتی ................. هەستە
با پێکەوە قاوەیەکی تاڵ بخۆینەوە بەخۆشی ئەم دنیا شیری نەوە!

نامۆ
16/09/2009
[/size]