[size=24]انست و ژینگە - بۆ به‌هێز بوونی چاوه‌کانت بیبه‌ری دۆڵمه‌ بخۆ
Peyamner PNA- پسپۆڕێكی خۆراکی ئاشکرایکرد: ڤیتامینی A ناو بیبه‌ری دۆڵمه‌ چاو به‌هێزده‌کات و مرۆڤ له‌ مه‌ترسی شه‌وکوێری و ئاوی سپی ده‌پارێزێت.

له‌ لێدوانێكی‌دا، پسپۆڕێكی خۆراک ئێرانی به‌ ناوی مریه‌م مۆراداف بۆ‌ ئاژانسی فارس رایگه‌یاند؛بیبه‌ری دۆڵمه‌ جگه‌ له‌ ڤیتامینی A و چه‌ند مادده‌یه‌کی دیکه‌ رێژه‌یه‌کیشی ئه‌سید فۆلیک تێدایه،‌ که‌ به‌رگری له‌ گیرانی ره‌گه‌کان، نه‌خۆشیه‌کانی دڵ و جه‌ڵته‌ی دڵ به‌ تایبه‌ت نه‌خۆشی شه‌کره‌ ده‌کات.

وتیشی؛ ئه‌سید فۆلیک که‌ یه‌کێک‌ له‌  ڤیتامینه‌کانی گروپی B یه‌،‌ بۆ له‌ش پێویسته‌ و مادده‌ی فێبری ناو بیبه‌ری دۆڵمه‌ کۆلسترۆڵی خوێن و جه‌ڵته‌ی دڵ که‌م ده‌کاته‌وه‌.

هه‌ر له‌و تۆژینه‌وه‌یه‌دا ده‌رکه‌وتوه‌، خواردنی 50 گڕام بیبه‌ری دۆڵمه‌ واتا نزیکه‌ی یه‌ک له‌ سێی بیبه‌رێکی دۆڵمه‌یی ده‌توانی سه‌رجه‌م نیازه‌کانی که‌سێکی گه‌وره‌ ساڵ به‌ ڤیتامین C دابین بکات.

جێی ئاماژه‌یه‌ ڤیتامین C به‌هۆی گه‌رمی له‌ناو ده‌چێت، که‌واته‌ خواردنی بیبه‌ری دۆڵمه‌ به‌ خاوی به ‌سوودتره‌ له‌ کو‌ڵاو.[/size]