“واین رۆنی” هێرشبەری هەلبژاردەی ئینگلتەرا و یانەی مانشستەر یونایتد لە ژاوپێكەوتنێكدا لەگەل رۆژنامەی “دەیلی تەلەگراف” رایگەیاند: ئارەزوی من ئەوەیە كە بەشداری لە مۆندیال دا بكەم و لەگەل هەلبژاردەكەم نازناوی باش بەدەست بێنم. بۆ گەیشتن بە مۆندیالی 2010ـی ئەفریقیای باشوور پێویستە لە خولی پالاوتنەكان بە سەلامەت سەركەوین بۆ ئەوەی بتوانین لەو قارەمانیەتە گرنگەدا ئاستێكی باش پێش كەش بكەین.ناوبراو لە درێژەی لێدوانەكەیدا ووتی : مۆندیال گەورەترین ئارەزووی هەر یارزانێكە ئەگەر بێتو ئێمە لەو قارەمانیەتەدا سەركەوتن بەدەست بێنین ئەوا دەتوانین نازناوێكی زیاتریش بۆ هەلبژاردەكەمان كۆبكەینەوە.”واین رۆنی” لەو كاتەی لەسالی 2004 لە یانەی “ئێڤەرتۆن”ـەوە پەیوەندی بە یانەی “مانشستەر یونایتد”ـی كرد تا ئێستا 51 یاری بۆ هەلبژاردەكەی ئەنجامداوە و توانیویەتی 22 گۆل تۆمار بكات.