لێم مه‌پرسه‌ بۆچی ئاوا
چرای دڵم کز ده‌سوتێ
له‌وه‌ته‌ی هه‌م که‌سێ نه‌هات
به‌ڕووی خۆشی تینی باتێ؛

ئیتر من چۆن ڕه‌نگی خه‌زان
له‌ ڕوخسارم به‌دی نه‌کرێ
که‌ من به‌ختم بارانێ بێ
له‌ هیچ وه‌رزێ دانه‌بارێ؛

وا نۆ ساڵه‌ له‌ غه‌ریبی
ده‌ریای ڕوحم شه‌پۆل نادا
که‌شتییه‌کی تێک شکاوم
به‌جێماوم له‌ مه‌نفادا؛

مه‌لی خۆزگه‌م زۆر له‌مێژه
لانه‌که‌ی خۆی جێهێڵاوه‌
بڕواناکه‌م جارێکی تر
بگه‌ڕێته‌وه‌ بۆ دواوه؛‌

به‌ڵام گیانه‌ هه‌ر چاوه‌ڕێم
من کورێکی زۆر گه‌شبینم
ئه‌م ژیانه‌ هه‌ر ده‌ورانه‌
ڕۆژگارێ دادێ یار ببینم‌.
 
نوێترین هۆنراوه‌ی گه‌شبیر ئه‌حمه‌د